زاخۆ به‌رهه‌ڤه بۆ قه‌تاندنا تێلێن كاره‌بێ
ئه‌ڤرۆ، عه‌لی حاجی:
چاڤه‌ڕێ دهێته كرن ئه‌ڤرۆ ل باژێرێ به‌غدا تیما ته‌پا پێی یا یانا زاخۆ یاریا خوه یا گه‌ڕا نه‌هێ ژ هه‌ڤڕكیێن خولا پلا نایابا ئیراقێ بكه‌ت ده‌مێ د بیته مێڤانا یانا كاره‌با ب هیڤیێن ده‌ستڤه ئینانا ئه‌نجامێ سه‌ركه‌فتنێ و به‌رده‌وامی ب ئه‌نجامێن باش.
لدور دووماهی به‌رهه‌ڤیێن تیما پارێزگه‌هێ حه‌مید حاجی یاریزانێ یانا زاخۆ بۆ رۆژناما ئه‌ڤرۆ دیاركر كو یاریا وان یا ئه‌ڤرۆ ب سانه‌هی نابیت تایبه‌ت ژ ده‌رڤه‌یی یاریگه‌ها خوه كه‌ین و بتنێ چار خال دناڤبه‌را وان دانه و گۆت: هه‌ر خاله‌كا ژ ده‌رڤه‌یی یاریگه‌ها خوه ب ده‌ستڤه بینن هێزه‌كا دی د ده‌ته تیمێ بۆ پێَشڤه چوون د رێزبه‌ندیا خولێ دا و هه‌روه‌سا گه‌شبینین دێ به‌رده‌وامیێ ده‌ینه ئاست و ئه‌نجامێن خوه ژبه‌ركو ل سه‌ر پلانه‌كا سه‌ركه‌فتی برێڤه دچین، هه‌موو یاریزان ژی به‌رهه‌ڤن ب تنێ شڤان جه‌میل نه‌بیت ئه‌وێ ژبه‌ر كارتێن زه‌ر هاتیه راوه‌ستاندن وژلایه‌كێ دووڤه كارگێریا یانێ به‌رده‌وام پشته‌ڤانیا تیمێ ژی دكه‌ت له‌ورا ب هه‌ر شێوه‌كی بیت دڤێت بیێ ئه‌نجامه‌كێ باش نه ڤه‌گه‌ڕیێن.
ژ یاریێن دی یێن ئه‌ڤرۆ، نه‌وروز – زه‌ورا، نه‌جه‌ف- جه‌ویه، قاسم- به‌غدا، بۆ زانین تیما یانا زاخۆ ب 14 خالان رێزا شه‌شێ دهێت ب چار سه‌ركه‌فتن و دو وه‌كهه‌ڤی و دو خوساره‌تیا، كاره‌با ب ده‌ه خالان رێزا 11ێ یه ئه‌وا یانا شورته ب 22 خالان سه‌رێ لیستێ دهێت، جه‌ویه ب 19 خالان و زه‌ورا ب 18 خالان رێزێن دویێ و سێیێ دهێن.
