زاخۆ به‌رهه‌ڤیێن باش بۆ خولا كوردستانێ كرینه
عەلی حاجی:
د داخویانیەکێ دا سەرپەرشتێ تیما فوتبۆلا یانه‌یا زاخۆ یا پشکدار د خولا نایابا کوردستانێ بۆ رۆژنامەیا ئەڤرۆ دیار کر تیما وان د بەرهەڤیەکا باش دایه بۆ وەرزێ نوو و تیما مە دێ ژ هه‌ڤڕكان بیت.
زێدەتر نەدیار عەلی گۆت: ژ بۆ وەرزێ نوو یێ خولا نایابا کوردستانێ مە ب شێوەیەکێ ل سەر کار کر و مە لەزاتی د کارێ خوە دا نەکریه و به‌ری گه‌له‌ك تیمان مە دەست ب دروستکرنا تیما خوە کر، پشتی مە شیایی د تاقیکرنەکێ دا چەندین یاریزانێن کورێن خابیری بۆ تیمێ دەستنیشانبکەین د قوناغا دووێ دا مە دەست ب ئینانا یاریزانێن ژ دەرڤە کر و نوکە دا سێ پێشەکار دگەل تیما مە دانە دوو ب رەگەز ئەفریقی نە و یاریزانەک ژی ب رەگەز بەرازیلی یە و یاریزانەکێ ئیکواداری ژی د رێکێ دایە و دەمەک نێزیک دا دێ گەهیتە باژێرێ زاخۆ،یاریزانەکێ دیتر ژی یێ باژێرێ کەرکوکێ دگەل تیمێ دایە و هندەک یاریزانێن دیتر ژی یێن دەڤەرێن کێشە ل سەر هەین و ب ڕەگەز ژی کوردن.
ناڤبری گۆت ژی: ب هاتنا وی یاریزانێ ئیکوادوری دێ تیما مە تەمام بیت و ئەم د ئامادەباشیەکا باش داینە ژ بۆ وەرزی نوو یێ خولا نایانا کوردستانێ، هەر چەندە یارییەکا ئێکێ دێ یا بزەحمەت بیت ژبەرکو یاری ژ دەرڤەیی یاریگەها مەیە لێ دێ بۆ سێ خالێن یاریێ چینە باژێرێ کەلار.
