زاخۆ: بۆ ماوێ هه‌يڤه‌كێ پشكنينێن شه‌كرێ بێ به‌رامبه‌ر دێ هێنه كرن
ئەڤرۆ نیوز،عەلی حاجی :
هاریکارێ کولیژا پزیشکی ل زانکویا زاخۆ د داخویانیەکێ دا بۆ ئەڤرۆ نیوز دیار کر ب مەرەما روژا جیهانیا نەخوەشیێن شەکرێ وەکو کولیژا پزیشکی دێ بۆ ماوەیێ هەیڤەکێ پروژێکتی راگەهینن بۆ زانینا داتایەکێ ل دور نەخوەشیێن شەکرێ ل قەزا زاخۆ .
زێدەتر دکتور بەشیر عەلی گوت : بریارە سوباهی ل روژا پێنچ شەمبێ رێکەڤتی ١٤چريا دويێ ٢٠١٩ وەکو کولیژا پزیشکی ل زانکویا زاخۆ ب هەلکەڤتا روژا جیهانی یا نەخوەشیێن شەکرێ ل سپێدێ نەخوشخانا زاخۆ یا گشتی دێ رابین ب دەستپێکرنا پروژێکتەک ل دور وان کەسان ئەوێن رێژا نەخوەشیا وان یا شەکرێ بلند و وان کەسان ئاگەهـ ژخوە نەبیت و ئەڤ پروژێکتە دێ ل دەست پێکێ پشکنین وان کەسان هێتە کرن یێ پشکدار بن د رێ و رەسمێن دەست پێکرنا پروژێکتی و هەر دیسان ل پارکا شەهیدان زاخۆ دی تیم هێنە دانان و ب رێیا وان تیمان دێ پشکنینا هاولاتیان هێتە کرن داکو نەخوەشیا شەکرێ یا بلند ل دەف وان کەسان ئاشکەرا بکەین یێ ئەڤ نەخوەشی یە ل دەف وان هەی بێ کو چو ئاگەهیەک ل سەر وێ نەخوەشیێ هەین.
ناڤهاتی گوت ژی : مە چەند تیمەک دروست کرینە کو هەر تیمەک ژ چەند دکتورەک و قوتابیێن کولیژا پزیشکی ل زانکویا زاخۆ پێک دهێت و ئەڤ پروژێکتە دێ بەردەوام بن بۆ ماوەیێ هەیڤەکێ و زێدەباری وێ چەندێ دێ داتایەنک ژی ب دەست مە کەڤیت ل دور زانینا توشبوویێن نەخوەشێن شەکرێ.
دیسان ب رێیا وی پروژێکتی ژی دێ سمینارێن جودا بۆ دکتوران هێنە رێکخستن ل دور چاوانیا خوە پاراستن ژڤێ نەخوەشیێ،ئەڤ چەندە ژی دێ بیتە رێیەک ئەم کەسانێن توشبوو دوور بێخین ژ وێ مەترسیا ل سەر ژیانا وان هەیی.
