زاخۆ بێ دادگه‌هێ دێ كێشه‌یا یاریزانێ خوه چاره‌سه‌ر كه‌ت
ئه‌ڤرۆ، عه‌لی حاجی:
د داخویانیه‌كێ دا ئه‌ندامێ ده‌سته‌یا كارگێریا یانا زاخۆ یا وه‌رزشی دیاركر ئه‌و دێ كێشه‌یا خوه یا دارایی ل گه‌ل یاریزانێ به‌رێ یێ تیما وان یا ته‌پا پێی بێ بابه‌تێ دادگه‌هێ چاره‌سه‌ركه‌ن.
زێده‌تر ئه‌له‌ند ئه‌حمه‌د بۆ رۆژناما ئه‌ڤرۆ: به‌ری یاریزان عیسام یاسین سكالایێ ل دادگه‌هێ تۆماربكه‌ت لسه‌ر بابه‌تێ داخوازیا وی بۆ ڤه‌گه‌ڕاندنا قه‌رێن یێن مایی ل سه‌ر یانێ كۆ دگه‌هنه 15 ملیۆن دیناران مه دانۆستاندن ل گه‌ل كربوون كو دێ ب شێوه‌یێ دو قۆناغ هێنه دان ب ڕێیا سه‌رپه‌رشتێ ئیدارا سه‌ربه‌خۆیا زاخۆ، لێ بێ مه ئاگه‌هدار كه‌ت و خوه ل ژڤانێ ده‌ستپێكرنا قۆناغا ئێكێ نه گرت سكالا ل دادگه‌هێ دژی یانێ تۆماركر ژبۆ دانا قه‌رێن خوه، سه‌رباری ئه‌ڤ كۆژمێ قه‌ر ل سه‌ر ده‌مێ مه نه‌بووینه، لێ دێ بڕێیا په‌یوه‌ندیێن مه تایبه‌ت بۆ هێنه دان و ناهێلین ئه‌ڤ كێشه مه‌زنتر لێ بكه‌ت و ل دادگه‌هێ بهێته ئێكلاكرن.
ناڤهاتی ژی گۆت: هه‌تا نوكه پاره‌یێ چو یاریزانا ل سه‌ر یانا زاخۆ نه‌مایه و پێشتر یێ راهێنه‌رێ تیما وان یا ته‌پا پێی د خولا كوردستانێ دا نه هاتبوو دان لێ ئه‌وژی هاته ئه‌داكرن.
