زاخۆ – ب كوژمێ زێده‌تر ژ دوو ملیار دیناران پرۆژه هاتنه ڤه‌كرن
ئه‌ڤرۆ نیوز ، نه‌وزاد هلۆرى:
ب مه‌ره‌ما زێده‌تر خزمه‌تكرنا خه‌لكێ زاخۆ ئه‌ڤرۆ ب كوژمێ زێده‌تر ژ دوو ملیار دیناران پرۆژه ل سنوورێ قه‌زا زاخۆ هاتنه‌ڤه‌كرن كو پرانیا وان ڤه‌كرنا جادده‌یان بوون.
د راگه‌هاندنه‌كێ دا كو دانه‌یه‌ك بو ئه‌ڤرۆ نیوز هنارتیه ، راگه‌هاندنا پارێزگه‌ها دهۆكێ دیاركر كو ئه‌ڤرۆ لژێر چاڤدێریا پارێزگارێ دهۆكێ چه‌ند پرۆژه‌یه‌ك ل زاخو هاتنه‌ڤه‌كرن و گۆت: (ئه‌ڤرۆ هه‌ر ئێك ژ پرۆژێ جوتسایدێ 30 مه‌ترییێ زاخۆ كو ل تاخێ ئه‌رده‌وان هاتبویه چێكرن و پێكهاتبوو ژ 900 مه‌ترێن قێرى و ئاڤرێژیان ، ل گه‌ل قێركرنا جاددا تاخێ ئاشتى ب درێژاهیا دوو كیلومه‌تران ئه‌ڤه زێده‌بارى قه‌ره‌بوكرنا ئه‌و كه‌سانێن كو مولكێن وان كه‌فتینه به‌ر وان جادده‌یان ب كوژمێ دوو ملیار دیناران لسه‌ر بودجا پارێزگه‌ها دهۆك)
