زاخۆ دێ بزاڤێ كەت سنۆرەكی بۆ خوسارەتیێن خوە ب دانیت
ئەڤرۆ تیما باسكێت بۆلا یانەیا زاخۆ ب ژڤانە یارییا خوە یا گەڕا نەهێ ژ هەڤڕكیێن خولا پلا نایاب ئیراقێ ئەنجامبدەت، دەمێ ل باژێرێ بەغدا ل دەمژمێر شەشێ مەغرەب ببیتە مێڤانا یانەیا كەرخ، بەری ڤێ یاریێ ل دەمژمێر چاری ئێڤار تیما تازەپێگەهشتیێن زاخۆ دێ بەرانبەر تازەپێگەهشتیێن كەرخ بیت.
نوونەرا بەهدینان و هەرێما كوردستانێ كاودانەكێ هەستیار دەرباز دكەن و نەشیایە بۆ پێنج یاریان دلێ جەماوەرێ خوە خوەشبكەن و بەردەوامی دایە ئەنجامێن لاواز، بۆ یارییا ئەڤرۆ بەرانبەر كەرخ پێدڤی ب سەركەفتنێ هەیە ژبۆ ڤەگەڕاندنا باوەریێ و ئاشتكرنا جەماوەرێ خوە و راوەستاندنا ژ دەستدانا خالان، ژ سەرجەمێ هەشت یاریێن بۆری دا پێنج خوسارەتی و سێ سەركەفتن هەبووینە.
هەرچەندە د دو یاریێن دەستپێكێ دا كورێن خابووری ب هێز هاتبوونە د ناڤ خولێ دا لێ بۆ یاریێن دووڤدا ئەو ئاستێ پێدڤی ب ئەنجام ڤە نە هاتیە و دیاربوویە ژی مفا ژ شیانێن پیشەكارێن خوە یێن دەستپێكا خولێ هاتینە دناڤ رێزێن وێ دا نە وەرگرتینە تایبەت یێن ئەمریكی مایكل مەككول، رەشاد حسێن و ریتچارد چاكسۆن كوب وونە جهێ نەرازیبوونا راهێنەر و جەماوەرێ زاخۆ، ل دووڤ پێزانین دەست ب رۆژنامەیا ئەڤرۆ كەفتین ئێك بۆ دو یاریزانان بهێنە دوورئێخستن و یێن باشتر بهێنە جهێ وان، كارگێرییا یانەیا زاخۆ ب هەمی شیانێن خوە دێ بزاڤێ كەت هێزا تیما خوە د ناڤ خولێ دا ڤەگەرینت.
