زاخۆ دێ مێڤانداریا قاره‌مانیا تایكۆاندۆیێ كه‌ت
ئه‌ڤه‌رۆ، عه‌لی حاجی
سه‌رپه‌رشتێ تیما تایكۆاندویا زاخۆ دیاركر ئه‌و مژویلی رێكخستنا قاره‌مانیه‌كا تایبه‌ت ل باژێرێ زاخۆ سه‌ر ئاستێ ژیێن جودا و پێدڤی ب پشته‌ڤانیێ نه ژلایێ كارگێریا یانا زاخۆ ژبۆ بڕێڤه‌برنه‌كا سه‌ركه‌فتی.
زێده‌تر غه‌زوان ئه‌حمه‌د د داخویانیه‌كێدا بۆ رۆژناما ئه‌ڤرۆ گوت: پشتی داخوازیا وان هاتیه بجه ئینان ژلایێ ئێكه‌تیا تایكۆاندویا پارێزگه‌هێ بۆ رێكخستنا قاره‌مانا تایبه‌ت ل سه‌ر ئاستێ تازه‌پێگه‌هشتیان و لاوان ل سه‌ر ئاستێ یانێن پارێزگه‌ها دهۆكێ هه‌رزوو ده‌ست دانانا پرۆگرام و پلانێن رێكخستنا قاره‌مانیێ هاتینه كرن و ئه‌م چاڤه‌ڕێ رازیبوونا كارگێریا یانا زاخۆ نه ژبۆ رێكخستنه‌كا سه‌ركه‌فتی ژبه‌ركو مه پێدڤی ب پشته‌ڤانیا مادی یا یانێ هه‌یه كو ئێدارا سه‌ربه‌خۆیا زاخۆ دێ مێڤانداریا ئێك ژ گرنگترین چالاكیێن وه‌رزێ ئه‌ڤ ساله كه‌ت و بهێزترین قاره‌مانی ژبه‌ركو ب گشتی ل سه‌ر ئاستێ پارێزگه‌هێ و ئیدارا زاخۆ باشترین یاریزان و خودان شیان هه‌نه و دێ بیته پێَنگاڤه‌ك یاریزانێن هه‌لبژارتیێ كوردستانێ بهێنه ده‌ستنیشانكرن.
ناڤهاتی دیاركر كو ئه‌ڤ یاریه ل زاخۆ گه‌هشتیه ئاسته‌كێ باش یێ پێشڤه‌چوونێ و ئه‌وچه‌نده بۆ وێ یه‌كێ ڤه‌گه‌ڕێنت كو رێكخستن بۆ هاتیه كرن و یاریزانێن زاخۆ دناڤ هه‌ردو هه‌لبژارتیێن ئیراقێ و كوردستانێ ژی دا هه‌نه.
