زاخۆ دێ گوهۆرینا دناڤ تیما ته‌پا پێی دا كه‌ت
ئه‌ڤرۆ،عه‌لی حاجی :
د داخویانیه‌كێ دا ئه‌ندامێ كارگێریا یانا زاخۆ یا وه‌رزشی بۆ رۆژناما ئه‌ڤرۆ دیاركر كو بۆ وه‌رزێ نوو یێ خولا پلا نایابا ئیراقێ چه‌ند گوهۆرینا دناڤ تیما خوه یا ته‌پاپ ێی دا كه‌ن پێخه‌مه‌ت باشترین به‌رهه‌ڤی بۆ خولێ و دبیت هه‌تا 80% یاریزانێن وه‌رزێ بوری بمینن.
زێده‌تر هشیار دوبانكی گۆت: وه‌كو پێنگاڤا پێشوه‌خت بۆ خوه به‌رهه‌ڤكرنێ و لدویڤ پلانا كارگێریێ و كادرێ راهێنانێ ئه‌م یێن گه‌هشتینه رێكه‌فتنا ده‌ستپێكی ل گه‌ل سێ یاریزانێن یانا روومادی دیسان ده‌مه‌كێ نێزك دا دێ گرێبه‌ستێ ل گه‌ل ئێك ژ ستێرێن به‌رێ یێ هه‌لبژارتیێ ئیراقێ گرێده‌ین كو نوكه د خولا ئۆرۆپا دا یاریێ دكه‌ت هه‌روه‌سا دو یاریزانێن پیشه‌كار خودان سه‌ربور كو ئێك ره‌كه‌ز وه‌لاتێ نێجیریا و یێ دویێ به‌رازیلی یه و ژلایه‌كێ دیڤه هه‌ردو پیشه‌كارێن مه یێ به‌رازیلی لۆكاس و هێلیۆ دێ به‌رده‌وامبن ل گه‌ل تیما مه بۆ وه‌رزێ نوو.
ناڤهاتی ئه‌وچه‌نده ژی دیاركر كو لدویڤ داخازا راهێنه‌رێ تیمێ عه‌بدولوه‌هاب ئه‌وبولهێل رێژا 80% ژ یاریزانێن گه‌ل مه ل وه‌رزێ بوری دێ به‌رده‌وامبن بۆ ئه‌ڤ ساله و ئه‌و ده‌نگۆباسێن چوونا یاریزان موئه‌یده عه‌بدولباست و ئه‌حمه‌د زێرو چو راستی بوو نینن ژبه‌ركو گرێبه‌ستا وان ل گه‌ل یانێ مایه و ده‌ستبه‌رداری ئه‌وان نابین، هه‌روه‌سا ل هێلا گۆلپارێزیێ محه‌مه‌د شاكر و عیماد عیسا دێ پشتبه‌ستن ل سه‌ر ئه‌وان هێته‌كرن ژبه‌ر رۆلێ وان یێ كاریگه‌ر بۆ پاراستنا تۆار یانا زاخۆ و ئه‌م رژدین ب شێوه‌كێ باشتر و بهێزتر ڤه‌گه‌ڕیێنه دناڤ خولێ دا.
