زاخۆ دێ یاریا خوه ل دهۆكێ كه‌ت
ئه‌ڤرۆ، قه‌یس وه‌یس
سه‌رۆكێ یانا زاخۆ یا وه‌رزشی دیاركر ئه‌وان بڕیار دا یاریا بهێت یا تیما خوه یا ته‌پا پێی ئه‌وا پشكدار د خولا پلا نایابا ئیراقێ دا ژ یاریگه‌ها زاخۆ یا نێڤده‌وله‌تی ڤه‌گۆهێزنه یاریگه‌ها دهۆك ئه‌وا چاڤه‌ڕێ یه ل چارشه‌مبیا بهێت ژ چارچووڤێ هه‌ڤڕكیێن گه‌ڕا 26ێ بهێته كرن.
زێده‌تر بلند شه‌فیق گۆت: پشتی كارگێریا یانێ كۆمبوونا خوه یا ئاسایی ئه‌نجامدایی لدور یاریا تیما مه یا ته‌پا پێی ل گه‌ل یانا دیوانیه ژ خولا پلا نایابا ئیراقێ كو بڕیاره ل چارشه‌مبیا بهێت ژ هه‌ڤڕكیێن گه‌ڕا 26ێ بهێته كرن لێ ژبه‌ركو هێشتا سه‌خبیریا فریزێ یاریگه‌ها زاخۆ یا نێڤده‌وله‌تی ب تمامه‌تی ب دووماهی نه‌هاتیه له‌ورا بڕیار هاته دان بتنێ بۆ ڤێ یاریێ تیما مه ل یاریگه‌ها دهۆك یاریا خوه و ل دانێ شه‌ڤێ ئه‌نجامبده‌ت و دووڤدا بۆ یاریێن دی ژ خولا ئیراقێ هه‌موو دێ ل یاریگه‌ها زاخۆ یا نیڤده‌وله‌تی هێنه كرن و دانێ شه‌ڤێ ژبن پشتی كۆ بابه‌تێ كاره‌بێ هاتیه چاره‌سه‌ركرن ب سوپاسی ڤه ژلایێ ئیدارا سه‌ربه‌خۆیا زاخۆ كو پشته‌ڤانیا مه كری بتنێ دێ میره‌كێ هێزا كاره‌بێ یێ گه‌ڕوك ل یاریگه‌هێ دانینن بۆ ده‌مه‌كێ پێدڤی بن.
ژلایه‌كێ دووڤه ناڤهاتی ئه‌وچه‌نده ژی ژ جه‌ماوه‌رێ وه‌رزشی یێ یانا زاخۆ خواست كو هاریكاربن و لیاریگه‌ها دهۆكێ ئاماده‌بن بۆ پشته‌ڤانیێ، بۆ یاریێن بهێت ب جوانترین دیمه‌ن و شێواز دێ یاریگه‌ها زاخۆ یا نێڤده‌وله‌تی كه‌فتیه كار پێخه‌مه‌ت جه‌ماوه‌ر باشتر پشته‌ڤانیا تیما خوه بكه‌ت و نه‌بتنێ ل هه‌یڤا ره‌مه‌زانێ یاری ب شه‌ڤبن به‌لكۆ بۆ هه‌موو یاریێن داهاتی و یا دشیان دابیت بۆ خزمه‌تا جه‌ماوه‌رێ خوه كه‌ن.
