زاخۆ دێ ب یاریکەرێن کورد سەرکەفتێ ل سەر ھەلبژارتیێ عیراقی تۆمار کەت
ئەڤرۆ:
بەرھەڤکرنا تێما تەپا پێ یا یانا زاخۆ ژ بۆ یاریا ڤەکرنا یاریگەھا نیڤ دەولەتی یا تەپا پێ ل سێ ھەیڤا بھێت د گەل ھەلبژارتیێ عیراقێ یا بەردەوامە کو بزاڤێن دەستەیا راھێنەریێ ئەوە ب ئەنجامەکێ دلخوشکەر و ب یاریکەرێن کورد ڤێ یاریێ ب دووماھی بینن.
ل دۆر ڤێ چەندێ ردوان نازی ھاریکارێ راھێنەرێ یانا زاخۆ د داخویانیەکێ دا بۆ رۆژناما ئەڤرۆ دیارکر وان ھەمی بزاڤ کرینە بۆ ھندێ ھژمارەکا یاریکەرین باش بینن و بشێن ھەڤرکیا ھەلبژارتیێ عیراقێ بکەن.
زیدەتر نازی گوت: یاریکەرین مە یێن کورد وەکو جاسم حاجی و ھەردی سیابەند دگەل ھەلبژارتیێ عیراقێ یاریێ کرینە زێدەباری یاریکەرین دی ھەمی ل خولا نایابا عیراقی پشکداری کریە و دێ بۆ عیراقێ ھەمیێ دیارکەین یاریکەرین کورد شیانێن مەزن یێن ھەین و دێ بۆ سەرکەفتنێ یاریێ کەین و دلێ جەماوەرێ ب ڤەکرنا ڤێ یاریگەھێ خوش کەین و ل دووماھیێ ژی خازا ژ جەماوەری و وەلاتیان کر ل روژا ڤەکرنا یاریێ ب ھژمارەکا مەزن ئامادەبن.
