زاخۆ: دەرمانخانەک هاتە داخستن
ئەڤرۆ نیوز، عەلی حاجی :
ئەندامەکێ لژنا بلند یا چاڤدێریکرنا کلینیک و دەرمانخانان ل زاخۆ ئاشکەرا کر بەردەوامن ل سەر چاڤدرێکرنا کلینیکێن نوشداری و ژ ئەگەرێ نەبونا دەستویریا کارکرنێ دەرمانخانەیەک ل زاخۆ هاتە داخستن.
زێدەتر خەلات ئوسمان گۆت: ئەڤرۆ دوشەمبی ٤/٥/٢٠٢٠ د بەردەوامیا چاڤدێریکرنا کلینکێن نوشداری و دەرمانخانەیان لژنەیا وان سەرەدانا شەش کلینیکێن نۆشداری یێن زەلام و ژنان کر ل دور چاوانیا جێبەجێکرنا رێنمایێن وەزارەتا ساخلەمیێ یا حکومەتا هەرێما کوردستانێ دیار بوو پێگیر ببوون ب رێنمایان و هەر دیسان لژنەیا مە سەرەدانا چەند دەرمانخانەیەکان ژی کر ، ژ ئەگەرێ نەبونا دەستویریا کاری دەرمانخانەیەک هاتە دائێخستن هەتا کو دەستویریا کاری پێ بهێتە دان و بەروڤاژی ژی هەکە بێ دەستویریا کاری دوبارە کار بکەت دێ پێرابونێن دژوارتر وەرگرین، وەکو لژنا بلند ژی زێدەتر گرنگیێ ل سەر جێبەجێ کرنا رێنمایان ژلایێ کلینیکێن نۆشداری ڤە دکەین و هەر رێنمایەکا نەهێتە جێبەجێکرن ژی دێ سزا بۆ وان جهان هەبن .
