زاخۆ شانازییا كوردانە
نەهلا ئەحمەد
ب دەستڤە ئینانا خەلاتێ فیفایێ نە یا ب ساناهی یە لێ ل دەف پشتەڤانێن یانەیا زاخۆ یا ب سانەهی بوو، ب راستی ژی ئەڤ دەستكەفتێ مەزن شانازییەكا مەزنە نە بتنێ ژ بۆ خەلك و وەرزشڤان و وەرزش دوستێن زاخۆ بەلكۆ شانازییە ژ بۆ مە هەمی كوردان ل هەر چار پارچەیێن كوردستانێ ئێدی زاخۆ ناڤێ كوردستانێ ل هەمی جیهانێ بەلاڤكر و پشتەڤان و وەرزشا كوردستانێ ژ بۆ هەمی جیهانێ دا نیاسین زاخۆ ژ هەژی ئەڤی ناسناڤی بوو ژ بەركۆ بۆ دەما چەندین سالایە وەرزش وەسا ب چاڤەكێ ب بوها نیشا خەلكەكی دایە كۆ ژ زاروكان تا دان عەمران ئێدی تەماشەیی یاریێن وەرزشی دكەن و پشتەڤانیێ ل یانەیا خۆە و وەرزشێ دكەن هیڤیە ئەڤ خەلاتە ببیتە دەستپێكا سەركەفتنەكا مەزن ژ بۆ وەرزشا هەرێما كوردستانێ و هەمی یانەیێن وەرزشی . پشتی بدەستڤە هاتنا ئەڤی خەلاتی پێشنیار دكەم ژ بۆ بەرپرس و بازرگانێن مە كۆ ئێدی بوهایی ب دەنە هەر وەرزشەكا دهێتە كرن و بوهایی بدەنە وەرزشڤانان و یانەیان كا ئەڤرو چاوا ل جیهانێ وەرزش ل پێشڤەچونێن بەرچاڤە كو ئەو ژی ب پشتەڤانیا بەرپرسێن وەلاتی و كەسێن بازرگان داكو ئەڤە نەبیتە خەلاتێ ئێكێ و دووماهیكێ دڤێت ئێدی پشتەڤانیەكا زێدە هەبیت ژ بۆ پشتەڤان و تیم و یاریزانێن باش ئێدی بلا ئەم ژی وەك كورد وەرزشا كوردستانێ نیشا هەمی جیهانێ بدەین و دیار بكەین ژ چ یانە و پشتەڤانان كێمتر نینن و مەژی شیان و وەرزشڤانێت باش هەنە ئەڤچا بلا ئێدی ب چاڤدانەكا هەرە مەزن بەرێ خوە بدەینە وەرزشێ و وەرزشڤانان.
