زاخۆ: ماموستا و فەرمانبەرێن خانەنشین کری دهێنه خەلات کرن
ئەڤرۆ نیوز،عەلی حاجی :
ئەڤرۆ ل روژا چار شەمبێ ١٣/١١/٢٠١٩ لقا هەشت یا پارتی دیموکراتی کوردستان و دگەل دا لژنا ناوچا زاگروس یا فەرمانبەران و ب هەڤکاری دگەل باژێرڤانیا زاخۆ ٤٠ ماموستا و فەرمانبەرێن خانەنشینکری هاتنە خەلات کرن.
حەکیم عەبدوللا بەرپرسێ لژنا ناوچا زاگروس یا فەرمانبەران بۆ ئەڤرۆ نیوز گوت : ئەڤ خەلات کرنە ژبەر وێ یەکێ هات کو ڤان ماموستا و فەرمانبەران خزمەتەکا مەزن دبیاڤێن پەروەردا و یەکا کارگێری دا کرینە ل باژێرێ زاخۆ و ژمارەیەکا زور یا کەسایەتیێن مەزن ل بەر دەستێن ڤان کەسان رابوینە،لەورا د رێ و رەسمەکێ ژهەژی دا ئەو ٤٠ کەسە ب خەلاتەکێ رێزلێنانێ هاتنە خەلات کرن دا کو ئەو هەست پێ نەکەن هاتینە ژبیر کرن و بەردەوام ژی ل بیرا مە ماینە و زێدەباری چەندێ مە پێدڤیەکا مەزن ب سەربورا وان یا خزمەتێ هەیە دبیاڤێن سیاسی ئاڤەندانی و پەروەردێ دا .
ناڤهاتی گوت ژی : پێدڤی یە مفا ژ ڤان کەسان بهێتە وەرگرتن داکو ب رێیا سەربورا وان ببیتە پروگرامەکێ گرنگ بۆ نفشێن بهێت و ئەو ژی مفایی ژ شیانێن وان ببینن و ئەڤ چەندا هاتیە کرن ژی پێخەمەتی وێ چەندێ بویە کو خەباتا وان کەسان بویە ئامرازەکێ گرنگ بۆ مە و مە مفایەک ژ وان وەرگرتی یە .
