زاخۆ مانا خوه پاراست و هه‌ولێر داكه‌فته پلا ئێك
ئه‌ڤرۆ، قه‌یس وه‌یس:
به‌ری ب دووماهی هاتنا وه‌رزێ 2020/ 2021 ب ئێك گه‌ڕ تیما ته‌پا پێی یا یانا زاخۆ مانا خوه د خولا پلا نایابا كوردستانێ پاراست و خوه ژ داكه‌فتنێ بۆ پلا ئێك دوورخست و هه‌ولێر باشڤه چوو پلا ئێك.
ژ چارچووڤێ هه‌ڤڕكیێن گه‌ڕا 29ێ و به‌ری دووماهی هاتنا خولێ ب ئێك گه‌ڕ تیما یانا زاخۆ سه‌ركه‌فتنه‌كا دیرۆكی ل سه‌ر یانا چه‌مچه‌مال ئینا ب دو گۆلا بێ به‌رامبه‌ر كو ئه‌ڤ سه‌ركه‌فتنه بوو ئه‌گه‌رێ مانا خوه د خولێ دا پارێزیت پشتی كو گه‌ڤێن بۆ پلا ئێك ل سه‌ر دهاتنه كرن، سه‌ركه‌فتنا زاخۆ بتنێ ئه‌گه‌ر نه‌بوو به‌لكو خوساره‌تیا هه‌ڤڕكا وێ یانا هه‌ولێر ئه‌وا ل گه‌ل یانا هندرین تووشی خوساره‌تیێ بوو و ل گه‌ل هه‌لۆ پاشڤه‌چوویه پلا ئێك، زاخۆ ب 29 خالان چوو رێزا 13ێ، هه‌ولێر ب 25 خالان رێزا 15ێ دهێت و یاریا بهێت یا دووماهیا خولێ چو ژ لیستێ نا گۆهوڕیت.
ژلایێ خوه‌ڤه یانا دهۆك ئه‌و د قۆناغ دویێ دا ئاست و ئه‌نجامێن باش هه‌بووینه بتنێ هنده‌ك یاریان ئه‌نجام به‌روڤاژی ئاستی بوون، دیاریا بوری دا سه‌ركه‌فتنا خوه یا 10ێ د خولێ دا تۆماركر خالێن خوه گه‌هاندنه37 ل رێزا 13ێ دهێت، بۆ یاریا بهێت دێ دناڤ یاریگه‌ها خوه دا مێڤانداریا چه‌مچه‌مال كه‌ت دڤێت رێزبه‌ندیا خوه پارێزیت و سه‌ركه‌فتنا وێ دوور نینه پێشڤه بچیته رێزا چارێ ئه‌وا یانا مێڤان ل وێ رێزێ یه.
بۆ زانین یانا سیروانی نوو ئه‌وا 52 خال كۆمكرین هه‌ر ژ گه‌ڕا بوری ناسناڤێ خولێ مسۆگه‌ركریه ب جووداهیا حه‌فت خالان ژ هه‌ڤڕكا خوه هندرین خودانا رێزا دویێ، بڕیاره ل دووماهییا ڤێ حه‌فتیێ په‌رده ل سه‌ر وه‌رزێ 2020/ 2021 بهێته دانان ب ئه‌نجامدانا یاریێن گه‌ڕا 30ێ.
