زاخۆ و مینا ب خاله‌كێ رازى بوون
زاخۆ,هشیار دوبانكى:
د یاریكرنا خوه دا ل یاریگه‌ها ده‌لال یانه‌یا زاخۆ نه‌شیا دئێكه‌م تاقیكرنا خوه ب سه‌ركه‌ڤیت وسه‌نگا خوه دخولا عیراقێ دا دیاربكه‌ت، پشتى وه‌كهه‌ڤبووى دگه‌ل مێهڤانا خوه یانه‌یا مینا ب گوله‌كێ بۆ هه‌ردو تیما ژ چارچوڤێن یاریێن گه‌را ئێكێ ژ خولا نایابا عیراقێ
ل ده‌ستپێكێ هه‌ردو تیم ب ئاسته‌كێ ناڤنجى هاتنه دیاریگه‌هێ دا وهه‌ر دو تیما نه‌شیا د 20 خوله‌كا دا مه‌ترسیه‌ك ل سه‌ر گولا به‌رامبه‌ر دروست بكه‌ت ویارى بڤێ ئاستی ما.
تا خوله‌كا 29 یاریكه‌رێ یانا دهوك زیاد ئه‌حمه‌دى ده‌لیڤه‌كا زیرین ژده‌ست دا پشتى ته‌په ب ئاسنێ گولا كه‌فتى وپشتى ڤێ هیرشى زاخۆ بتنێ بزاڤه‌ك كر خوه چاره‌كێ دڤێ نێڤێ دا بگه‌هینته گولا مینا ئه‌و بۆ ل خوله‌كا 33 یاریكه‌ر ریبه‌ر محه‌مه‌د ته‌په‌ك ل ئاسنێ گولێ دا پشتى ڤىى ده‌لیڤێ ل خوله‌كا 40 پێشه‌كارێ به‌رازیلى ریكاردو ده‌لیڤه‌كا مسوگه‌ر به‌رزه‌كر ونێڤا ئێكى بڤێ ئه‌نجام بدوماهیك هات
دنێڤا دویێ دا ئاستێ هه‌ردو تێما ناڤنجى بۆ پشتى چه‌ندین گهورینا یانه‌یا زاخۆ شیان گڤاشتنێ ل سه‌ر یانه‌یا مینا بكه‌ت وچه‌ندین ده‌لێڤا دا خوه بگه‌هینته گولا مێهڤان به‌لێ ج گهورین دئه‌نجامێ یاریێ دا نه‌بو تا ده‌قیقا 64ى یاریكه‌رێ یانه‌یا مینا عومه‌ر خریبین
شیا گولا ئێكى بۆ یانا مینا توماربكه‌ت وپشتى ڤێ گولێ بزاڤین زاخۆ نه راوه‌ستان تا خوله‌كا 72 شیا گولا وه‌كهه‌ڤیێ توماربكه‌ت برێكا یاریكه‌رى رومانى لیكا
وپشتێ ڤێ گولێ بزاڤین زاخۆ نه راوه‌ستان به‌لێ نه‌شیان گهورینێ دئه‌نجامێ یاریێ دا بكه‌ت تا فیركا دادڤانى یارى بدوماهیك هاتى ب وه‌ك هه‌ڤیا هه‌ردو تێما
ل دۆر ڤێ یاریێ كه‌رار ئیبراهیم كابتنێ یانا مینا دبێژیت :یاریكه‌رین مه شیا ئاسته‌كێ باش پێشكیش بكه‌ت وبده‌ست ڤه‌ئینانا خاله‌كى به‌رامبه‌ر یانا زاخۆ یا خراب نه‌بۆ
ژلایێ خوه فه‌رحان شه‌كور هێرش به‌رێ یانا زاخۆ دبێژیت : ژده‌ست دانا دۆ خالا ئه‌نجامه‌كێ خرابۆ به‌لى یاریا ته‌پا پێ هوسا یه تو گولێ تومارنه‌كى دێ گول ل سه‌ر ته هێت وبۆ یاریا بهێت دێ خوه پتر ئاماده‌كن ونه ئاماده‌بونا جه‌ماوه‌رێ كارتیكرنا خوه هه‌بوو.
