زاخۆ و نه‌وروز دێ په‌ردێ ل سه‌ر خولا ئیراقێ راكه‌ن
ئه‌ڤرۆ،
دهێته چاڤه‌رێكرن ئه‌ڤرۆ په‌رده ل سه‌ر وه‌رزێ نوو یێ خولا ئیراقێ یا ته‌پا پیێ بۆ یانێن پلا نایاب بهێته راكرن ئه‌وا دێ ب پشكداریا 20 یانا ژ وانا سێ یانێن هه‌رێما كوردستانێ ئه‌وژی زاخۆ، هه‌ولێر و نه‌وروز و یاریێن وان دێ ب شێوێ خول دو قۆناغ ژلایێ ئێكه‌تیا ته‌پاپێی یا ئیراقێ هێنه كرن و بڤی ره‌نگی.
ئه‌ڤرۆ ده‌مژمێر سێ و نیڤێ ئێڤاری تیما یانا زاخۆ نوونه‌را پارێزگه‌هێ دێ پێنگاڤا خوه یا ئێكێ هاڤێژیت ده‌مێ مێڤانداریا یانا نه‌وروز یا باژێرێ سلێمانیێ دكه‌ت ئه‌وا دێ ل یاریگه‌ها زاخۆ یا نێڤده‌وله‌تی هێته كرن، كوڕێن خابیری ب شاره‌زاهیا خوه و چه‌كێ جه‌ماوه‌ری پشتی چه‌ندین گوهۆرین دناڤ رێزێن تیما خوه دا كرین به‌رهه‌ڤیێن باش هه‌نه و رژدن ده‌ستپێكه‌كا بهێز و باشتر ژ وه‌رزێ بوری بهێته دناڤ خولێ دا ژبۆ وه‌رگرتنا رێزبه‌ندیێن پێشیێ، ژلایێ خوه‌ڤه یانا نه‌وروز ئه‌وا بۆ جارا ئێكێ یه د دیرۆكا خوه دا پشكداری خولا پلا نایابا ئیراقێ دبیت پشتی ل وه‌رزێ بوری رێزا دویێ یا خولا پلا ئێك ب ده‌ستڤه‌ئینایی، ئه‌ركێ وێ د وه‌رزێ ئه‌ڤ ساله دا ب سانه‌هی نابیت گڤاشتنێن دارایی و نه‌بوونا یاریزانێن شاره‌زا و ده‌ست به‌رداری راهێنه‌رێ وان یێ كه‌ریم وه‌لی، لێ تیمه‌كا ب سانه‌هی نابن ودێ بزاڤێ كه‌ن ب خاله‌كێ ژی رازیبن.
ژ یاریێن دی یێن ئه‌ڤرۆ، شورته- ته‌له‌به، نه‌فت- نه‌فت میسان، كه‌رخ- نه‌فت به‌سرا، نه‌جه‌ف دیوانیه، یاریێن سوبه‌هی، مینا- هه‌ولێر، جه‌ویه- قاسم، نه‌فت وه‌سه‌ت- سامرا، ئه‌مانه‌ت به‌غدا- كاره‌با، زه‌ورا- سیناعه.