زاخۆ و پیرس ب سەركەفتیانە دەست ب هەڤڕكیێن خولێ كرن
قەیس وەیس:
هەردو تیمێن یانەیا زاخۆ و پیرس نوونەرێن پارێزگەها دهۆكێ ب دەستڤەئینانا سەركەفتنێ پێنگاڤا خوە یا ئێكێ بۆ وەرزێ 2022-2023ێ ب سەركەفتیانە هاڤێژتن ژ چارچووڤێ گەڕا ئێكێ یا خولا كوردستانێ ل سەر ئاستێ تازەپێگەهشتییان ل بن ژیێ 18ێ هاتییە كرن.
ل یاریگەها خوە تیما یانەیا پیرس ب دو گۆلان شیان سەركەفتنێ ل سەر مێڤانا خوە یانەیا هەریر بینن، ژلایێ خوەڤە تازەپێگەهشتیێن یانەیا زاخۆ ژ دەرڤەیی یاریگەها خوە سەركەفتنێ ل سەر یانەیا هەولێر بینن ب گۆلەكێ بێ بەرامبەر د یارییا واندا ئەوا ل یاریگەها شەهید فرانسۆ حەریری یا دویێ هاتیە كرن.
بۆ زانین 23 یانەیێن هەرێمێ پشكداری د خولا تازەپێگەهشتییان دا كرینە و هاتینە بەلاڤكرن ل سەر چار كۆمان و بڤی رەنگێ خوارێ، كۆما ئێكێ، پیرس، هندرین، تەق تەق، هەریر، رەواندۆز، مەخموور، كۆما دویێ، زاخۆ، هەولێر، كۆیە، خەلیفان و سۆران، كۆما سێیێ، شۆرجە، پێنجوین، شێروانە، پێشمەرگەیا سلێمانی، هەلەبچەیا شەهید و پیرەمەگروون، كۆما چارێ، خاك، خەلاتی پێنچوین، دەربەندیخان، ئاشتی، سیروانی نوو و چوارقۆرنە.
