زاخۆ گه‌شبینی دا جه‌ماوه‌رێ خوه و دێ پشكداری خولا پیشه‌كاران بیت
عەلی حاجی:
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژناما ئەڤرۆ دیار کر ب پشتەڤانیا سەرپەرشتێ ئیدارەیا سەربەخویا زاخۆ دێ تیما وان یا ته‌پا پێی باشترین شێوه پشکداری خولا ئیراقێ یا پیشه‌كاران بیت و دێ هەمی بزاڤا كه‌ین پشكداریه‌كا سه‌ركه‌فتی بیت.
زێدەتر هشیار شەهباز گۆت : پشتی دەستەیا کارگێریا یانه‌یا زاخۆ یا وەرزشی دگەل گوهدار شێخۆ سەرپەرشتێ ئیدارەیا سەربەخۆیا زاخۆ کوم بوین ل دور پشکداریا تیما مه یا ته‌پا پیێ بۆ وه‌رزێ نوو یێ خولا ئێراقێ یا پیشه‌كاران كوب ۆ جارا ئێكێ یه ئێكه‌تیا ئیراقێ ئه‌ڤ بریاره دایی و ل دووڤ سیسته‌م و رێنمایێن نوو و جودا، گوهدار شێخۆی پشتەڤانیا خوە یا تەمام بۆ یانه‌یا زاخۆ دوپات کر و دیار کری ژی هەکە زاخۆ نە بتنێ پێدڤی ب ملیون دولاران بیت به‌لكۆ زێدەتر ژی بیت د ئامادەنە بۆ وی کوژمێ پارەیی بۆ کورێن خابووری دابین بکەن و پشکداریێ د خولێ بکەن، زێدەتری دو هەیڤایە ئەم کار دکەین دا کو پشکداریه‌كا سه‌رفه‌رزا بكه‌ین و رەوشا زاخۆ هەتا نوكه یا باشە ژبەرکو سەرپەرشتێ ئیدارەیا سەربەخویا زاخۆ بەردەوام ل سەر هێله ژ بۆ پشتەڤانیکرنا یانه‌یێ و ئەم جەماوەرێ خوە پشت راست دکەین کو ئەوا د شیان دا بیت دێ ئەنجام دەن.
ناڤبری گۆت ژی: ئەم دێ هەمی بزاڤا ژی كه‌ین دا کو بشێن تیمەکا باش ئامادە بکەین بۆ وێ خولێ ژبەر کو هه‌ڤڕکیێن وێ دێ یا ب هێز بیت و جیاوازیا خوە دگەل خولا نایابا ئیراقێ هەبیت و مە باوەریەکا تەمام ژی هەیە کو دێ شێن کارەکێ باش ئەنجام دەین.
