زارۆيه‌ك خه‌ندقى
ئه‌ڤرۆ نيوز، فاتما مزوورى:
ئه‌ڤرۆ ل ده‌مژمێر 11ى به‌رى نيڤرۆ زارۆيه‌كێ شه‌ش سالى ب ناڤێ ئه‌حمه‌د سالح ياسين د رووبارێ خازر دا خه‌ندقى، پشتى لێگه‌ريانێ ته‌رمێ وى ژ لايێ تيمێن به‌ره‌ڤانيا باژێرى ل خه‌بات هاته ديتن.
رێڤه‌به‌ريا به‌ره‌ڤانيا باژێرى ل هه‌ولێر راگه‌هاند كو ئه‌و زارۆ خه‌لكێ باژێرێ مووسلێ يه و ل كه‌مپا حه‌سه‌ن شام دژيا، ب مه‌ره‌ما مه‌له‌ڤانيان به‌رێ خوه دايه رووبارێ خازرى و ژ ئه‌گه‌رێ نه‌بوونا شاره‌زايێ خه‌ندقيه.
هه‌ر سال ژ ئه‌گه‌رێ زێده‌بوونا پلێن گه‌رمێ خه‌لكه‌كێ زۆر ژبۆ مه‌له‌ڤانيا به‌رێ خوه دده‌نه رووباران.
ب گۆره‌ى داخۆيانيێن ئه‌رده‌لان يوسف پۆليسێ رێپێداى ژ به‌ره‌ڤانيا باژێرى ل خه‌بات بۆ ئه‌ڤرۆ نيوز راگه‌هاند كو ئه‌ڤساله ل سنورێ به‌ره‌ڤانيا باژێرى ل خه‌بات شه‌ش حاله‌تێن خه‌ندقينێ چێبووينه و ته‌رمێن وان كه‌سان ژ ئاڤێ هاتينه ده‌رخستن.