زارۆیەکێ ئاوارە د ئاڤاھیەکی دا کەفت و گیانێ خوە ژ دەست دا
ئەڤرۆ نیۆز، قائید میرۆ:
شەڤا بۆری ل بازاڕەکێ باژێڕێ ھەولێرێ زارۆیەکێ دو سالی کەفتە خوار و ئێکسەر گیانێ خوە ژ دەست دا.
رائید کاروان عەبدولکەریم، پەیڤدارێ پۆلیسێن ھەولێرێ بۆ ئەڤرۆ نیۆز گۆت: “دەمژمێر دەھی شەڤا بۆری ھێزێن پۆلیسا ھاتنە ئاگەھداركرن ل ھەبوونا روودانەکێ و پشتی گەھشتنا پۆلیسان بۆ جھێ بۆیەرێ دەرکەفت، زارۆیەکێ دو سالی ل قاتێ چوارێ یێ بازاڕێ نیشتمان کەفتیە خوار و ھەر ل جھێ بۆیەرێ گیانێ خوە ژ دەست دایە”.
رائید کاروان گۆتژی: “ئەف زارۆيه ژ ئاوارەیێن مەسیحیە کو د ناڤا ئاڤاھیێ بازاڕی دا ئاکنجیبووینە و دەست ب ڤەکۆلینێ ھاتیە کرن ل دۆر چاوانیا چێبوونا روودانێ و گیان ژ دەستدانا ئەڤی زارۆی”.