زارۆیەکێ ١٣ سالی خەندقی
ئەەڤرۆ نیوز،عەلی حاجی :
ئەڤرۆ دەمژمێر ٢:٠٠ی پشتی نیڤرۆ ل تاخێ مەهەندیکێ سنێلەیەکێ ١٣ دناڤ ئاڤا خابیری دی دخەندقیت و تەرمێ وی ژلایێ تیمێن نقومەڤامی ڤە ل زاخۆ دهێتە دەرئینان.
رائید بێوار عەبدولعەزیز،بەرپرسێ راگەهاندنا بەرەڤانیا باژێری ل پارێزگەها دهوکێ بۆ ئەڤرۆ نیوز دیار کر ئەو روودان ل دەمژمێر ٢:٠٠ی پشتی نیڤرو دروست بوو دەما دو سنێلە ب مەرەما مەلەڤانیان خوە ل ئاڤێ دئێخن بەلێ سنێلەیەک دژیێ ١٣ سالیێ دا ب ناڤێ (ی ف ) دخەندقیت و پشتی دەمژمێرەکێ ژ خەندقینا وی سنێلەیی تیمێن مەیێن نقومەڤانی شیان تەرمێ وی ژ ناڤ ئاڤا خابیری دا بیننە دەر و تەرمێ وی هاتە رەوانە کرن بۆ پزیشکیا داد ل نەخوشخانا زاخۆ .
و گوت : ئەڤە ئێکەم روودانا خەندقینێ ل وی تاخی ل ئەڤ سالە دا روودەت و هەر دیسان ئاڤا خابیری ژی ئاستێ وێ کێمتر بویە بەلێ ب مخابنی ڤە ژبەر نەشارەزایا هندەک کەسان روودانێن ب ڤی رەنگی دروست دبن.
