زانایێن ئایینی یێن ئامێدیێ: دەنگێ مە بـۆ لیستا 275 یا پارتـی یە
ئامێدیێ، مەحمود نهێلی:
بەهرام عریف یاسین، بەرپرسێ لقێ 18 یێ پارتی ل ئامێدیێ، ب بەرهەڤبوونا دەستەیا كارگێری و ڕێڤەبەرێ ئەوقافا ئامێدیێ، ل گەل هەژمارەكا زانایێن ئایینی ل سنۆرێ لقێ كۆمبوو و بەحس ل ڕۆلێ ئایینی، جڤاكی و نەتەوەیی یێ مامۆستا و زانایێن ئایینی كر.
بەرپرسێ لقێ18 گۆت: «مامۆستایێن ئایینی د ناڤا گەلێ مە دا ڕێز و كاریگەریەكا مەزن هەیە و د كەڤن دا ڕۆلەكێ مەزن د بلندكرنا هەستێ نەتەوەیی و نشتیمانی دا هەبوویە، دیسا سەركێشیا شۆڕەش و بەرخۆدانان ژ بۆ ئازادی و سەربخۆیێ كریە، مینا: مەلا مستەفا بارزانی و شێخ سەعیدێ پیران و قازی محەمەد».
مامۆستا و زانایێن ئایینی پشتەڤانیا خوە بۆ لیستا 275 یا پارتی دوپاتكر و بەرهەڤییا خوە ژ بۆ خزمەتكرنا گەل و ولاتێ خوە ب رێیا سەرئێخستنا لیستا 275 دیاركر.
