زانا و بەهزاد چوونە د ناڤ رێزێن هەلبژارتیێ ئیراقێ دا
هەردو یاریزانێن پارێزگەهێ زانا سالح كەكۆ ژ یانەیا دهۆك و بەهزاد سالح ژ یانەیا ئامێدیێ ب فەرمی بۆ ناڤ هەلبژارتیێ كیك بۆكسینگا ئیراقێ هاتنە داخوازكرن پشتی ب دووماهی هاتنا قارەمانییا سۆپەرا ئیراقێ ل سەر یاریزانێن پلە كری، ئەوا هەڤڕكیێن وێ ب پشكدارییا 15 یانەیان ل باژێرێ بەسرا هاتینە ئەنجامدان.
ستێرێ یانەیا ئامێدیێ بەهزاد سالح بۆ كێشەیا 71كگم سیستەمێ k1 شیا رێزا ئێكێ ب دەستخوە ڤەبینت، د بەرانبەر دا ستێرێ یانەیا دهۆك زانا سالح كەكۆ كێشا 67كگم بۆ سیستەمێ فۆل كۆنتاك د قارەمانییا سۆپەرا ئیراقێ دا یا بەری سێ هەیڤان شیا ناسناڤی دەستڤە بینت، پشتی د یارییا دووماهیێ دا ب سەركەڤتی ل سەر هەڤڕكێ خوە یەحیا جەمیل، د یاریێن واندا ئەوا 50 یاریزانێن خودان رێزبەندێن ئێكێ و دویێ یێن قارەمانییا ئیراقێ بۆ گشت یانە و یاریزانێن هەلبژارتیێ ئیراقێ ئەوا ل باژێرێ بابل هاتییە كرن.
ژلایەكێ دووڤە زێرەڤان سالح فقی دادڤانێ پارێزگەها دهۆكێ شیا پلەیا زوور باش و نموونە د ناڤ چالاكیێن قارەمانیێ دا ب دەستڤە بینت پشتی زێدەتری شەش یاریێن دووماهیێ ب سەركەفتیانە بڕێڤەبرین وەكو ئێك ژ دادڤانێن كاریگەر و پشت گەرمی پێ هاتییە كرن ژلایێ فیدراسیۆنا كیك بۆكسینگا ئیراقێ دا و بەربژارە بۆ برێڤەبرنا قارەمانیێن عەرەبی دا.
