زانكویێن پارێزكه‌ها نه‌ینه‌وا دێ تاقیكرنێن خوه ل زانكۆیا دهۆك كه‌ن
ئه‌ڤرۆ، ناجی به‌ده‌ل:
پشتی هاتنا گرۆپا تیرۆیستیا داعشێ لو پارێزگه‌هێن ناڤه‌راستا عیراقێ و ره‌وشا نه ئارام و شه‌ر په‌یدا بووی هژماره‌كا زورا قوتابێن ئه‌وان زانكویێن باژێرێن مووسل و تكریت و ئه‌نبار كو ل بن ده‌ستێ داعشێ نه روو ل هه‌رێما كوردستانێ كرینه .
زوریا ئه‌وان قوتابیێن هاتینه هه‌رێمێ ژ كوردێن ئێزدی و مسیحی و عه‌ره‌ب ل دهۆكێ و هه‌ولێرێ و سلێمانیێ و كه‌ركوكێ ئاكنجینه له‌ورا هزر ل تاقیكرنێن خولا دویێ یا ئه‌ڤان قوتابیان هاته كرن و وه‌زیرێ خواندنا بلندا یا به‌غدا ل گه‌ل وه‌زاره‌تا خواندنا بلند یا حوكمه‌تا هه‌رێما كوردستانێ بۆ هه‌ماهه‌نگیكرنا ئه‌ڤێ چه‌ندێ و رۆژه‌كا راپه‌راندنێ هاته دانان و چوار ئوفیس ل هه‌رێما كوردستانێ ل دهۆكێ و هه‌ولێرێ و سلێمانیێ و كه‌ركووكێ ژ بووی توماركرنا ئه‌وان قوتابێن ژ جهێن هاتینه داگیركرن ژ لایێ گرۆپا تیرۆریستی یا داعشێ ڤه هاتنه دانان بۆ ئه‌وێ مه‌به‌ستێ و مالپه‌ره‌ك ژی ده‌ست نیشانكر بو بو خو توماركرنێ.
د. مسلح محمه‌د سه‌عید سه‌رۆكێ زانكویا دهۆكێ بو ئه‌ڤرۆ نیوز گۆت: “هژمارا هه‌ره زورا ئه‌وان قوتابیان ل زانكویا كه‌ركووكێ و دهۆكێ نه ل كه‌ركووكێ 7000 هزار قوتابێن ته‌كریتێ لێ نه و هه‌روه‌سا 4872 ل دهۆكێ، لێ مه بریار دا ئه‌وان سیڤیان برێڤه نه به‌ین ئه‌وێن ب رێكا مالپه‌ری دهێن به‌لكو دڤێن ئه‌و كه‌س ب خوه یێ به‌رهه‌ڤ بیت، ب سه‌لماندن ژ به‌ر داعشێ ره‌ڤیایی چونكو ئه‌وێ مای ئه‌وی چ مه‌ترسی ژ هه‌بوونا داعشێ نه‌بوویه له‌ورا ناهێته وه‌رگرتن”.
هه‌روه‌سا سه‌رۆكێ زانكویا دهۆكێ دیار كر زانكویا مووسل ل رۆژا ئێكشه‌مبا بهێت دێ تاقیكرنێ ب 350 قوتابیان كه‌ت كو هاتینه پارڤه‌كرن ل سه‌ر 8 كولیژان ل گه‌ل كولیه‌كا ئه‌هلی.
د. مسلحی ئه‌و ئێكه‌ژی دیاركر زانكویا دهۆكێ چ په‌یوه‌ندی ب ئاوایێ تاقیكرن و برێڤه‌برنێ نینه به‌لكو به‌س دێ هولان بو دابین كه‌ت، ماموستایێن وان ب خوه دێ هێن تاقیكرن و چاڤدێریا وان كه‌ن.
ئه‌و قوتابێن ل زانكویا دهۆكێ دیچ تاقیكرنێن خوه ئه‌نجام دده‌ن ژ زانكویێن حه‌دبا 415 قوتابی و تۆر 177 قوتابی و حه‌مدانیه 351 قوتابی ب چه‌ند قووناغه‌كان تاقیكرن هێنه‌كرن و پشتی تاقیكرنێن زانكویا دهۆك ب داوی بهێت دێ ل ده‌مژمێر 2 نیڤرۆ ئه‌و دێ چنه ئه‌وان هولان بو تاقیكرنێ.
