زانكۆلاین بۆ دەرچوویێن 12ێ ئامادەیی هاتە كاراكرن
هەولێر، قائید میرۆ:
پەیڤدارێ وەزارەتا خواندنا بلند و ڤەكۆلینێن زانستی ئاشكرا كر، زانكۆلاین بۆ دەرچوویێن پۆلا 12ێ ئامادەیی هاتە كاراكرن.
عەباس ئەكرەم، پەیڤدارێ وەزارەتا خواندنا بلند و ڤەكۆلینێن زانستی بۆ رۆژناما ئەڤرۆ دیاركر، وەزارەتا خواندنا بلند سیستەمێ زانكۆلاین بۆ وەرگرتنا قوتابیان كاراكر و قوتابی دشێن پێشكەشی زانكۆ و پەیمانگەهان بكەن بۆ سالا نوو یا خواندنێ و گۆت: «ئەڤ سالە ل گورەی ئامارێن بەردەست زێدەتری 115 هزار قوتابیان پشكداری د ئەزموونێن پۆلا 12ێ ئامادەیی دا كربوو».
پەیڤدارێ وەزارەتا خواندنا بلند گۆتژی: «ئەم چاڤەڕێی دوماهی داتایێن دەرچوویێن پۆلا 12ێ ئامادەیی بووین ب هەرسێ پشكێن ئەدەبی و زانستی و پیشەیی ڤە، كو ژ ئالیێ وەزارەتا پەروەردەیێ ڤە بۆ مە هنارتین و پشتی هنارتین، زانكۆلاین هاتە كاراكرن».
