زانكۆیا دهۆك و زانكۆیا THMیا ئەلمانی كۆڕبەندەكێ ئەندازیاری گێڕا
ب ئامادەبوونا ماجد سەید سالح، جیگرێ پارێزگارێ دهۆكێ و د. داود سلێمان، سەرۆكێ زانكۆیا دهۆك و توماس شانز، ڕاگرێ كۆلیژا زانستێن ژیانێ ل زانكۆیا THMیا ئەلمانی و نوونەرێ وەزارەتا خواندنا بلند و ڤەكۆلینێن زانستی، دوهی 10/11/2024 ل هولا كۆنفرانسان زانكۆیا دهۆك كۆلیژا ئەندازیاری ب هەڤكاری ل گەل زانكۆیا THMیا ئەلمانی كۆڕبەندێ بەشێ بایۆمیدیكال ل ژێر درووشمێ «تازەترین تەكنیكێن ئەندازیارییا بایۆمیدیكال» گێڕا.
د كۆڕبەندی دا ژ لایێ هەردو زانكۆیان ڤە سمینارەك ل دۆر بابەتێ ناڤبری ب درێژی هاتە پێشكێشكرن و چەند پەیڤێن جودا هاتنە خواندن، پاشی ئاهەنگا دەرچوونێ یا خولا دویێ و سێیێ بۆ 33 قوتابیێن بەرنامێ «دو باوەرنامە د ناڤبەرا بەشێ ئەندازیارییا بایۆمیدیكال ل زانكۆیا دهۆك و زانكۆیا THMیا ئەلمانی» هاتە سازكرن و ل دوماهیێ ژی رێككەفتنا پەیوەندیێن دوقولی د ناڤبەرا هەردو زانكۆیان دا هاتە نووكرن و ئیمزاكرن.
