زاهر ره‌شید: پارتی دیمۆكراتی كوردستان پشته‌ڤانیا خوه بۆ خودان پێدڤیێن تایبه‌ت دۆپاتكر
ئه‌ڤرۆ،
د داخویانیه‌كێدا سه‌رۆكێ لژنا پارائۆلۆمپیا كوردستانێ بۆ رۆژناما ئه‌ڤرۆ دیاركر كو فازل میرانی سكرتێرێ مه‌كته‌با سیاسی یا پارتی دیموكراتی كوردستان پشته‌ڤانیا خوه بۆ یاریزان و تیمێن مه یێن خودان پێدڤیێن تایبه‌ت دۆپاتكر پشتی ژلایێ وی ڤه هاتینه پێشوازی كرن.
زێده‌تر زاهر تاهر گوت: پێشوازیا سكرتێرێ مه‌كته‌با سیاسی زێده‌تری پێشبینیا بوو كو ب شێوه‌كێ جوان و رێزلێئنانا یاریزان كۆڤان حه‌سه‌ن كر ژبه‌ر ده‌ستكه‌فت و پشكداریێن وی د ئۆلۆمپیادا تۆكیو دا، هه‌روه‌سا پشته‌ڤانیا بێی سنور یا پارتی دیموكراتی كوردستان بۆ لژنا پارائۆلۆمپیا كوردستانێ و هه‌موو یاریزانێن خودان پێدڤیێن تایبه‌ت دۆپاتكر و دیاركر كو دێ هه‌موو بزاڤا كه‌ن ل گه‌ل سه‌رۆكێ حوكمه‌تێ رێزدار مه‌سرۆر بارزانی بابه‌تێ وان گه‌نگه‌شه كه‌ن و دووڤچوونا هه‌ر كێماتیه‌كێ ژبو به‌رده‌وامیا پشته‌ڤانیێ.
ژلایه‌كێ دووڤه ناڤهاتی گوت: پارتی دیموكراتی كوردستان هه‌رده‌م پشته‌ڤان بوویه و خالا سه‌ره‌كی یا پێشكه‌فتنێ بوویه و سكرتێرێ مه‌كته‌با سیاسی ده‌ستپێشخه‌ریا خوه بۆ دابینكرنا ترۆمێله‌كاهاتنوچوونێ بۆ لژنا پارائۆلمپیا كوردستانێ و خودان پێدڤیێن تایبه‌ت و سۆزدایه د ده‌مه‌كێ نێزك دا بشێوه‌كێ باشتر پشته‌ڤانبن، ئه‌م سۆپاسیا جه‌نابێ وی دكه‌ین ب هیڤییا وێ یه‌كێ پشتی سه‌رده‌مێ كۆرۆنایێ ب هێز ڤه‌گه‌ڕیێن.
