زمانێ داگیركەرا
سەعید شەریف/ باژێرێ ئیبو/ وەلاتێ چین
ب زمانێ داگیركەرا
ئەز و ئەمازیغیەك بووینە هەڤالێن ئێك
نە مە هەردویا زمانێ ئێك دو دزانی
نە مە دڤیا ئەو زمانێ
مە ئێك و دو پێناسی
ب زمانێ داگیر كەرا
مینا دو بەستەڤانێن ژێك ڤەگێر
مە نالین و ئاخین خۆ ژێك دو ڤەدگێران
من ژبەرا رۆندك مینا تاڤا بارانێ
دباراندن بو ئەنفال و كیمیا بارانێ
وی ژی ب هەوار و سینگ ڤەقوتانێ
ڤەدگێراڤە جینوساید و حەلالكرنا
مال و نامیسا وان بناڤێ ئیسلامێ
ژبەر رۆندك و نالین و نالان را
مە هەمبێزا ئێك دو دكر
مینا دو برایێن ئێك دایباب
نە ئەم رێگر و تێكدەر و تنێ دوستێن چیانە
نە ئەو بیانی و بەربەرێن بیابانانە
ئەو دوژمنێ ناڤێ خۆ لمەنای
هندە سالە ب خوین و خێر و بێر و مرنا مە ژیانە.
