زمانێ میدیایی د ناڤبهرا زارۆ و مهزنان دا
زمان ستوونهكا سهرهكی یا نهتهوهییه، لهوما پێدڤییه گرنگی پێ بێتهدان، چونكی هنداكرنا وی دێ سیمایهكێ گرنگێ جوداكرنا نهتهوهیی كهفته د ناڤ گومانێ دا.
نها د ناڤ ڤێ تهكنۆلۆژیا و میدیایا بهرفرههدا، ئهم كورد دشێین مفایهكێ مهزن ژێ ببینین كو گرنگیێ ب زمانێ خوه بدهین و بهر ب پهیڤێن دهڤۆكان تێكهلی ئیك بكهین، لێ مخابن گهلهك جاران ئهم دبینین كو ل شوونا پهیڤێن كوردی یێن دهولهمهند، گهلهك جاران پهیڤێن رهسهن دهینه لادان و ل جهێ وان هندهك پهیڤێن بیانی دهێنه بكارئینان، بۆ نموونه ل جهێ پهیڤین (ئهرێنی و نهرێنی)، هندهك برادهر دێ (پۆزهتیڤ و نیگهتیڤ) بكارئینن، كو ئهوبخوه ل سهر ئهزمانێ ههوه ئهڤ پهیڤه خۆش ناهێن، ئهڤه ب تنێ وهكو نموونه.
هندهك جاران مرۆڤ حێبهتی دمینیت كو د ناڤ زمانێ فلم كارتوونهكێ دوبلاژكریدا دێ زمانهكێ پاقژ و رهوان هێته بكارئینان ولێ بۆ داخویانی و دیدارێن رۆژنامهڤانی یێن كهسانێن بسپۆر، دێ هندهك دهستهواژا بینین كو رێژهكا ژێگرتی یا كوردستانیان نهبیت كهس د رامانا وان ناگههیت، یان ب شێوهكێ دی بێژین پێدڤی یه مرۆڤ چهند زمانێن ئهرۆپی بزانیت ههتا كو د كوردیا هندهك برادهران بگههیت.
ژلایهكێ دیڤه 24 سالن ئهم خودان دهستهلاتا خوهینه، بهلێ هێشتا دهمێ ئهم ل كۆرهكی یان سمینارهكێ، دروونین دێ مه گوهـ ل گهلهك پهیڤێن عهرهبی بیت، كو هندهك جاران مرۆڤ هزر دكهت هێشتا ل دهڤ هندهك كهسان بكارئینانا عهرهبیێ دگۆتنێن خوه دا، نیشانا شارهزایی و لێ هاتنێ یه.
ڤان سالان هندهك كهسێن كو پووته ب زمانی دكهن ئهو دهستهواژین كو د كوردی دا نهبن ژی هندهك پهیڤ دارشتینه، كو نوكه ئهم دشێین د وارێن (تهكنۆلهژی، ساخلهمی، وهرزشی، سیاسی و ئابووری.. . هتد) لێ دیسا كهس ههنه دهمێ دبنه مێڤان ل سهر مژارهكێ كو یا تایبهت بیت ب ڤان بیتاڤانڤه، دێ ههر زاراڤێن عهرهبی بكارئینن، ههروهكی یێ ل سهردهمێ بهری بیست و چار سالان دژین.
دهمێ كهسهك گللهیهكێ ژی بكهت، گۆتنا وان ب تنێ ئهوه كو دبێژن: مانێ زمان بۆ تێگههشتنێ یه، یا گرنگ نینه كا پهیڤ و زاراڤێن مرۆڤی چ زمان بن، باشه ما ههكه تو پهیڤین خوه بگوهۆری بۆ كوردی دێ چ ژ تهكێم بیت؟!، مانێ زمان ستوونا سهرهكی یا نهتهوهییه.