زه‌لامێن رۆژهه‌لاتی ل ڤان ساخله‌تێن ژنان دگه‌رن
ئه‌ڤرۆ نيوز:
هه‌موو گه‌نج حه‌ز دكه‌ن ژنه‌كا خودان رێز هه‌لبژێرن، زه‌لامێ رۆژهه‌لاتی ژی ل هنده‌ك پیڤه‌رێن دیار دگه‌ریت كو ببنه نیشانێن ژنه‌كا خودان رێز و تۆره، هه‌روه‌سا ل ڤان ساخله‌تان دگه‌رن كو ل نك ژنێ هه‌بن یا ئه‌و حه‌ز د كه‌ت هه‌ڤژینیێ د گه‌ل دا پێكبینیت وه‌كو:
ئێك: په‌یوه‌ندیێن زێده:
گه‌نجێن رۆژهه‌لاتی حه‌ز د كه‌ن ئه‌و كچا ئه‌و په‌یوه‌ندیێ د گه‌ل دا گرێبده‌ت نه‌گه‌له‌ك یا جڤاكی بیت و په‌یوه‌ندیێن به‌رفره‌ه د گه‌ل هه‌ڤالان نه‌بن، ئه‌ڤجا ئه‌و هه‌ڤال یێن زانكۆیێ بن یان كاری یان هه‌ر جهه‌كێ دی.
دو: ده‌ستپێكێ رێزێ ل خوه بگریت:
ئێك ژ نیشانێن كچا خودان رێز ئه‌وه بزانیت دێ چاوا سه‌ره‌ده‌ریێ د گه‌ل گه‌نجان كه‌ت بێی خوه نازدار بكه‌ت، دانوستاندنێن وێ ژی بۆ ئارمانجه‌كێ نه و كورت د ئاخڤیت بێی چو گۆتنێن كو ئاماژه ب سه‌رداچوونێ بكه‌ن.
سێ: بزانیت چاوا سه‌ره‌ده‌ریێ د گه‌ل تۆرێن جڤاكی بكه‌ت:
هنده‌ك گه‌نج ب رێیا تۆرێن جڤاكی بریارێ ل سه‌ر رێزگرتنا كچێ دده‌ن، له‌ورا هنده‌ك گه‌نج حه‌ز ناكه‌ن هه‌ڤژینیێ د گه‌ل كچه‌كێ پێكبینن كو وێنێن خوه ل تۆرێن جڤاكی به‌لاڤ دكه‌ت، هه‌روه‌سا ره‌ت دكه‌ن كو رووبه‌ره‌كێ مه‌زن بده‌نه كچێ و هووركاتیێن ژیانا وێ د فه‌یسبووكی دا بن.
چار: كچه‌كا گه‌هشتی بیت:
گه‌نجێن رۆژهه‌لاتی دترسن په‌یوه‌ندی د گه‌ل كچه‌كێ هه‌بن كو چو ژ ژیاانێ نه‌ڤانیت، ژبه‌ركو وه‌سا هزر دكه‌ن د ڤی سه‌رده‌می كچێن وه‌سا نینن، له‌ورا حه‌ز دكه‌ن كچ یا زانا و هشیار بیت و د ژیانێ بگه‌هیت.
پێنج: كچه‌كا گرتی بیت:
كچا گرتی پتر زه‌لامی هاندده‌ن په‌یوه‌ندیان د گه‌ل دروست بكه‌ت، له‌ورا بزاڤێ دكه‌ن خوه نێزیك بكه‌ن و هووركاتیێن ژیانا وێ بزانن، گه‌نج دێ وه‌سا هزر كه‌ت ئه‌و یێ ئێكانه‌یه ئه‌و ئاشكرا كری و دنیاسیت كو د ده‌مه‌كی دا بۆ هه‌موویان یا گرتیه.
شه‌ش: كچه‌كا داگرتی بیت:
گه‌نجێن رۆژهه‌لاتی ده‌ستپێكێ گرنگیێ دده‌نه جلكێن كچێ به‌ری په‌یوه‌ندیێ د گه‌ل گرێبده‌ت، هه‌روه‌سا حه‌ز دكه‌ت یا داگرتی و تژی بیت.
حه‌فت: ب شێوه‌یه‌كێ ماقویل گرنگیێ بده‌ته هه‌ڤپشكێ خوه:
گه‌نجێ رۆژهه‌لاتی دخوازیت ژن ب شێوه‌یه‌كێ ماقویل گرنگیێ پێ بده‌ت، هه‌روه‌سا بزانیت دێ چاوا رێزێ ل بۆچوونێن وی و كه‌ساتیا وی گریت و گرنگیێ ب كاروبارێن وی یێن تایبه‌ت بده‌ت ب شێوه‌یه‌كێ د گه‌ل مێیاتیا وێ بگونجیت.
