زه‌ینه‌ب نێروه‌یی: خه‌لك پتر پرتووكێن ئه‌لیكترونی دخوینن
دهۆك، نه‌وزاد هلۆری
زه‌ینه‌ب عسمه‌ت نێروه‌ی، ئێكه ژ فه‌رمانبه‌رێن پروتوكخانا ناڤه‌ندا خانی ل دهۆكێ، ده‌سته‌كێ باش دوارێ دیزاینێ دا هه‌یه، ب تایبه‌ت ژی دیزاینا پرتووكان.
زه‌ینه‌بێ بۆ ئه‌ڤرۆ گۆت: نێزیكی ساله‌كێ یه وه‌كو فه‌رمانبه‌ر ل پرتووكخانا ناڤه‌ندا خانی كار دكه‌م، هه‌ر ل پرتووكخانێ من خوه فێری كارێ دیزاینێ ژی كریه و ئه‌ڤه پێنج هه‌یڤه كاردكه‌م و به‌رده‌وامم ژی، پرتووكخانه و دیزاینێ هه‌ر ئێك ژ وان تام و خۆشیا خوه هه‌یه و بۆ من هه‌ردو دخۆشن و ئه‌ز پشكه‌كا زۆر ژ ده‌مێ خوه ب خواندنا پرتووكان ڤه دبۆرینم ژبه‌ركو پرتووك مرۆڤی د ژیانێ دگه‌هینیت، د نوكه دا خه‌لك پتر پرتووكێن ئه‌لیكترونی دخوینن و به‌ر ب سوشیال میدیایێ ڤه چوویه.
ناڤهاتی، ده‌رچویا كولیژا زانستی یا ئه‌ندازیاریا چاندنێ یه و هێشتا خێزان پێك نه ئینایه، هیڤیا وێ ئه‌وه زێده‌تر خزمه‌تا ناڤه‌ندا خانی بكه‌ت و گه‌له‌ك خه‌ون و هیڤی و ئومێد هه‌نه.
