زيانێن ئاڤا گه‌رم و مفايێن ئاڤا سار
ئەڤرۆ نيوز:
بکارئینانا ئاڤا گەرم ب بەردەوامی ل ھەموو وەرزێن سالێ دا و ب تایبەت ل وەرزێ زڤستانێ کارەکێ ئاسایی یە، ھەردەم ئەم یێ ل سەر وێ چەندێ راھاتین کو ھەردەم خوە ب ئاڤا گەرم بشووین و لاشێ خوە پاقژ بکەین، بێی کو مە ھاش وێ چەندێ ھەبیت کو ئاڤا گەرم گەلەک زیانێن بۆ پیست و پرچێ ھەین، ھەکە ب بەردەوامی ب کار بینین.
زیانێن بکارئینانا ئاڤا گەرم:
1- کارتێکرنێ دکەتە سەر دوھنێ سرۆشتی یێ سەر پیستی، ئەگەرەکە بۆ مانا جوانی و گەشاتیا جوانیا پیستی، چونکو ئاڤا گەرم ھشک دکەت، ئەڤە ژی ئەگەرەکە بۆ چرچبوونا پیستی.
2- ئەگەرەکە بۆ لاوازبوون و ھەلوەرین و کێمکرنا رێژا دوھنێ سرۆشتی یا پرچێ، ب تایبەت بۆ ئەو کەسێن پرچا وان گەلەک یا ھشکە، ھەر ژ بەر ھندێ شیرەتا وێ چەندێ ل وان کەسان دھێتە کرن کو پلا گەرماتیا ئاڤێ کێمتر لێ بکەن یان ژی ئاڤا سار ب کار بینن.
3- دبیتە ئەگەرێ ڤەکران و بەرفرەھبوونا کونێلان و وەرگرتنا بەکتریا و میکرۆبان، ژبلی پرۆتین و زەیتا سرۆشتی یا پیستی دھێتە مێژان و گەش و بریقەدار نامینیت.
مفایێن بکارئینانا ئاڤا سار:
1- دبیتە ئەگەرێ چالاککرنا سورا خوینێ، پیستی گەش دکەت و کونێلان دڤەشێریت، ساخلەمیا پرچێ بەر ب باشیێ دچیت و ب ھێز دکەت، رێ ل وەریانا پرچێ دگریت
2- خوەشووشتن ب ئاڤا سار دبیتە ئەگەرێ چالاکبوونا لاشی و پێدانا وزێ ب تایبەت ل بەری نڤستنێ ل سپێدەھیان، دبیتە ئەگەرێ ھاتنە خوارا فشارا خوینێ.