زيانێن ڤه‌خوارنا قه‌هوێ ب مه‌عدێ ڤالا
ئه‌ڤرۆ نيوز:
قه‌هوه ئێكه ژ ڤه‌خوارنێن سه‌ره‌كى و هنده‌ك كه‌س سپێدێ زوو به‌رى خوارێ ب مه‌عدێ ڤالا ڤه‌دخون و ئه‌ڤێ ژى چه‌ند زيانێن ساخله‌ميێ هه‌نه.
مفايێن قه‌هوێ دزۆرن، د نووترين ڤه‌كۆلين ژى دا ئه‌و چه‌نده سه‌لمانديه، قه‌وه رێگريێ ل وان زيانان دكه‌ت ئه‌وێن ب به‌ر DNAى يێ مرۆڤى دكه‌ڤن، به‌لێ دڤێت ب ره‌نگه‌كێ ساخله‌م بهێته ڤه‌خوارن.
ڤه‌خوارنا قه‌هوێ ب مه‌عدێ ڤالا، دبيته ئه‌گه‌رێ زۆربوونا هۆرمۆنێ كورتيزۆل د له‌شى دا. هۆرمۆنه‌كه يێ به‌رپرسه ژ رێكخستنا به‌رگريا له‌شى، هه‌رسكرنێ و به‌رسينگێ فشارێن ده‌روونى دگريت.
هه‌كه سپێدێ ئێكسه‌ر قه‌هوه بهێته ڤه‌خوارن، كورتيزۆل دگه‌هيته بلندترين ئاست ئه‌ڤه ژى دبيته ئه‌گه‌رێ گوهۆڕينا زۆر ب له‌ز يا هه‌ستێ كه‌سى و ترشێ مه‌عده‌ى ژى زێده دكه‌ت.
دوورباره‌كرنا ڤێ ڤه‌خوارنێ، دبيته ئه‌گه‌رێ خه‌مۆكيێ يان گوهۆڕينا بارێ ده‌روونى، هه‌رديسا ئه‌گه‌رێ تێكچوونا ترشێ مه‌عده‌ى يه و چه‌ند نه‌خۆشيێن دى يێن دلى و مه‌عده‌ى په‌يدا دكه‌ت. ئه‌ڤه ژبلى وێ چه‌ندێ كو مرۆڤ زێده‌تر ب ڤه‌خوارنا قه‌هوێ ڤه دهێنه گرێدان.