زڕنابێژەكی ب نهێنی ئاخفتنێن مە بۆ حكۆمەتا ئێراقێ دگۆتن و دو هەڤالێن مە وی سێدارەدان
دیدار،صەباح زوهێر زێباری:
محمود مجید محمود یێ بەرنیاس محمود گاڤان ل سالا 1944 ل گوندێ كەلات ل ناحیا بجیلێ سەر ب قەزا ئاكرێ ڤە ژ دایك بوویە، ئێك ژ پێشمەرگە و شۆڕەشگێرێن هەر دو شۆڕەشێن ئیلۆنێ و گۆلانێ یە و ڕولەكێ مەزن ل سەرهلدانێ دا ژی هەبوویە.
پێشمەرگێ هەردو شۆڕەشان دبێژیتن، ل سالا 1969ێ من پەیوەندی ب ئورگانێت حیزبی ڤە كر، هەتا سالا 1970 ب شێوەكێ نهێنی من كار ل گەل(قورتاسی)و(ملا شنی)و(حسۆ میرخان) كریە ژ رویێ دابینكرنا (ئەرزاقی و فیشەكان) و كۆمكرنا پێزانینان بۆ پێشمەرگەی.
هەر وەسا ناڤبری گۆت: ل سالا 1969 ژلایێ بابێ روحیێ نەتەوا كورد( مەلا مستەفا بارزانی) ڤە دو جاران ئەز هاتمە داخوازكرن بۆ بارزان، جارا دووێ دەمێ بارزانی داخوازیا من فرێكری گۆتە من دێ هێزەكێ ل ناڤ سورچیان دروست كەین، بارزانی گۆت دڤێت هوین هەمی ب هەمی هێز و شیانێن خوڤە پشكداریێ دڤێ هێزێ دا بكەن، و ڤێ هێزێ سەر بێخن، ل سالا 1970 ژلایێ بارزانیێ نەمر فەرمانا دامەزراندنا هێزا(حەمرین) دەركەفت ب سەركردایەتیا خودێ ژێ رازی شەهید(عبدالرحیم جسیم پێندوری)ل گوندێ كەلات ناحیا بجیلێ، ل دەمێ راگەهاندنا هێزا(حەمرین) ژلایێ خەلكێ دەڤەرا بجیل ب شێوەكێ گشتی پێشوازیەكا گەرم لێ هاتەكرن،ل وی دەمی ئەز(سەرپەل)بووم هەتا سالا (1972)پاش ئەز بوومە(سەرلەق)هەتا سالا 1974 ێ وی دەمی شەرێ مە دگەل چەتا دەست پێكر و ئەز ل وی شەری ب سفكی برینداربووم.
مەحمود گاڤان پێشمەرگێ هەر دو شۆڕەشا زێدەتر دبێژیت، كو شۆڕەش یا بەردەوام بوو هەتا رێككەفتنا جەزائیر ل سالا 1975، بارزانی راگەهاند شورەش تێكچوو، ئەم دێ قەستا دەرڤەی وەلاتی كەین هەركەسێ بڤێت بلا دگەل مە بهێت یێ نەڤێت بلا ل سەر ملك و مالێ خو بیت، ئەم ئاوارەیی ئیرانێ بووین پاشی حكومەتا ئیرانێ ئەم رادەستی حكومەتا بەعس كرینە ڤە، ئەم برینە پارێزگەها دیوانیە ناحیا غماس هەتا سالا 1976 ێ پاشی ئەم ئینانە كومەلگەها(كانی قرژالە)پشتی بورینا ماوەكێ كێم من و برایێ خۆ رەحمەتی رەسول دگەل پێنج هەڤالێن دی بناڤێ(قادر و كورێ وی ئیبراهیم قادر و ئیبویێ زولێ و محمد علی و شریغ علی شێروانی)مە دەست ب رێكخستنێن كرەڤە.
زێدەتر گۆت كو من و هەڤالێن خۆ دەست بكارێ خۆ یێ رێكخستنێن حیزبی كر، بەردەوام ل ناڤ شورەش و شەر و رێكخستنێ دا مە كار دكر،بەلێ(قادر)ی هەڤالینی دگەل كەسەكێ دی دكر ئەو كەس زرنابێژبوو،هەمی كارێن مە بۆ وی گوتبوون،ئەو زرنابێژ ب نهێنی چوو موسل هەمی ئاخفتنێن مە بۆ حكومەتێ گوتن،حكومەتا عێراقێ ل موصل هاتنە سەر مالێن مە و ئەزو برایێ خوە رەحمەتی رەسول هەولێرێ بووین فەرمان بوومە هات كو نەچینە مال ئەم ژی نەچووین،لێ هەردوو هەڤالێن مە(قادر و ئیبراهیم) كو كور و باب بوون هاتنە گرتن و برنە موصل و هەردوو ل وێرێ سێدارەدان و ئەز و برایێ خو هاتینە ناڤ رێزێن پێشمەرگەی ل چیایێ كافیان پاش ئەز برمە(مەكتەب سیاسی) ئەز كرمە بەرپرسێ ڤەگوهاستنا (ئامیرو رادیویا) دەنگێ كوردستان كو وی دەمی رەحمەتی( سامی عەبدولرحمن)سەرپەرشتیا مە دكر و(سەباح بەتوللا و عسمت رەجەب) دەنگ و باسێن شورەشێ پێش كێش دكرن.
ئاماژە دا وێ چەندێ ژی كو ل سالا 1979 پشتی كوچا داویا بارزانیێ نەمر ورەیا هێزا پێشمەرگەی گەلەك هاتە خوارێ بەلێ ب هیمەتا خودێ لێ خوشبووی(ئیدریس بارزانی و سەرۆك مەسعود بارزانی) بریارا ئەنجامدانا كونگرێ هاتەدان و جارەكا دی هێزێن پێشمەرگەی ب هێزكەفتن و دوبارە دەست ب خەبات و شورەشێ كرەڤە.
بەردەوامیا ئاخفتنا خوە دا گۆت كو ل سالا 1982 پشتی ژلایێ دوژمنی ڤە هەولا برنا جەنازێ بارزانیێ نەمر هاتیەدان وی دەمی مالا من ل شنویێ بوو و شەرێ مە دگەل(حیزبا دیموكراتا ئیرانێ) دەست پێكر و ل وی شەری ئەز بگرانی برینداربووم.
محمود گاڤان بەحس ل هندێ ژی كر كو ل سالا 1997 شەرێ كەپكێ حەمد ئاغا پشتی شەرەكێ دژوار و نەگەهشتنا هاریكاریێ نەمانا فیشەكان ب برینەكا سڤك هاتمە گرتن،پشتی سالەكێ و ئێشاندنەكا زور هاتمە ئازادكرن پاشی بوومە بەرپرسێ حەرەكاتێ ل هێزا رزگاری ل سوپایێ 17ێ و ل سالا 2004ێ ل سەر بریارا جەنابێ سەرۆك بارزانی دەزگەهێ ئیلۆنێ ل ئاكرێ هاتە ڤەكرن و ئەز بوومە ئەندامێ دەزگەهێ ئیلۆنێ.
ل دوماهیێ پێشمەرگێ ناڤبری گۆت كو ل رێكەفتی 4/11/2022 ل كونگرەیا چاردێ یا پارتی دیموكراتی كوردستان ژلایێ جەنابێ(سەرۆك مەسعود بارزانی) مەدالیا بارزانی ب من هاتەدان،ئەڤە ژی ئەڤە ژی بۆ من وەكو خەونەكێ بوو و بۆ جهێ دلخۆشیا من و كەس و كارێن من كو سەرۆك بارزانی زەحمەت و خەباتا مە بیرنەكر و بەرچاڤ هاتە وەرگرتن.
ئەو شەرێن مەحمود گاڤانی پشكداری تێدا كری: ل سالا 1974 دوو جارا شەرێ سەرێ ئاكرێ،سالا 1974 دوو جارا شەرێ بجیل،ل سالا 1978 شەرێ ناوچا گوزەرەش،ل سالا 1978 شەرێ گەلیێ زاویتە،ل سالا 1979 شەرێ گەلیێ زاویتە،ل سالا 1980 شەرێ ناوچا خانەقین/قورەتو،ئەزگەلە،ل سالا 1980 شەرێ حاجی عمران،1982 شەرێ شەرمن،سالا 1982 شەرێ گوندێ كانی،ل سالا 1983 ئوپەراسیۆنەك ل ناوچا سیدەكان،ل سالا 1983 عەمەلیاتەك ل ل حاجی عمران،ل سالا 1987 شەرێ گرتنا مێرگەسور،ل سالا 1988 پشكداربووین ل شەرێ هەمبەر دوژمنی بۆ سەر لقا(1) یا پارتی،ل سالا 1992 دگەل ملازم بابەكر زێباری و شەهید عبداللا قادو)شەرێ كەلەك بەشداربووم، ل سالا 1992 شەرێ بعشیقە و مەقلوب و شەرێ ئاكرێ،سالا 1992 شەرێ پەكەكێ ل ناوچا زاخۆ،ل سالا 1994 هەتا 1996 شەرێ ناڤخۆ ل مەلا ئۆمەران.
