زڤڕینەڤا بارزانی ژ یەكەتیا سۆڤیەتێ
شاكر ئەتروشی:
ناڤەندا خانی یا رەوشەنبیری و راگەهاندنێ/پشكا رەوشەنبیری، دوهی ل دەمژمێرچار و نیڤی ئێڤاری سمینارەك ل ژێر ناڤێ(شەشی چریا ئێكێ زڤرینەڤا بارزانی ژ یەكێتییا سوڤیەتێ) بۆ نڤیسەر (موسەدەق تۆڤی) ل هولا ناڤەندێ ل ئاڤاهیێ تەلەفزیۆنا دهۆكێ رێكخست و هژمارەكا كارمەندێن ناڤەندێ و چەند نڤیسەر و رەوشەنبیرێن دهۆكێ لێ د بەرهەڤ بوون.
تۆڤی د سمینارا خوە دا گۆت: شەشی چریا ئێكێ دو بیرەوەریێن مێژوویی یێن گرنگن د مێژوویا گەلێ كورد و بزاڤا وێ یا رزگاریخوازیا كوردی دا، یا ئێكێ ل شەشی چریا ئێكێ ل سالا1958 زڤرینەڤا بارزانی و هەڤالێن وی ژ یەكێتییا سوڤیەتا بەرێ، یا دویێ ژی ل شەشی چریا ئێكێ ل 1993 زڤراندنا جەنازەیێن نەمران مستەفا بارزانی و ئدریس بارزانی بۆ هەمبێزا ئاخا بارزان.
