زیانێن ماددی ھەنە – فرۆکێن تورکیا دەڤەرا ئامێدێ بوردومان دکەن
ئەڤرۆ نیوز ، مەحمود نھێلی :
ب بھانەیا ھەبوونا چەکدارێن پەکەکی ئیڤاریا ئەڤرۆ ١٥/٨/٢٠١٧ چەندین جاران فروکەیێن تورکیا گوندێن سنورێ قەزا ئامێدیێ بتایبەتی ژی ناحیا دێرەلۆک و شێلادزێ بوردومانکرن .
ل گور ئاخفتنا ئاکنجیێن وان گوندان فروکەیێن تورکیا ب دژواری دەوروبەرێن گوندێن وانا بوردومانکرنە و ترس و دوو دلی ئێخستیە دلێ وانا .
ئەحمەد ھاریکی ئێک ژ ھاولاتیێن ئاکنجیێن گوندێ ھاریکا یێ سەر ب ناحیا دێرەلۆک ڤە یە بۆ ئەڤرۆ دیارکر، کو ڤێ جارێ فروکەیێن تورکیا ب دژواری زنجیرەیا چیایێ لینکی و گوندێ ھێتوتێ یێ سەر ب ناحیا دێرەلۆک و ھەروەسا زنجیرەیا چیایێ کورەژاری بوردومانکرنە و گۆت: (ھەر چەندە دڤێ بوردومانێ دا چ زیانێن گیانی نەبووینە لێ زیانێن مالی گەھاندینە رەز و بیستانێن ھاولاتیان زێدەباری دروسبوونا ترسێ ل جەم خەلکێ دەڤەرێ و رێگری کرن ب ئینانا دەرامەتی خوە ل وان گوندان)