زین محه‌مه‌د: خوه ب كارو به‌رنامێ خوه مه‌زن دكه‌م
دهۆك، هه‌رهین محه‌مه‌د:
زین محه‌مه‌د، پێشكێشكارا به‌رنامێ (گه‌شتا زینێ) ل كه‌نالێ دهۆك تیڤی، د دیداره‌كێ دا بۆرۆژناما ئه‌ڤرۆ گۆت: بابێ من و مالا من گه‌له‌ك د هاریكاربوون هه‌تا گه‌هشتیمه ڤی ئاستی و من پێشكێشكاری هه‌لبژارت، چونكو خوه پێشكێشكار و دوبلێر سه‌ركه‌فتی تر دبینم ژ بێژه‌ریێ و په‌یامنێریێ و به‌ری نوكه من پێشكێشكاری ل ده‌زگه‌هه‌كێ دی كریه و دهۆك تیڤی ده‌زگه‌هێ من یێ دویێ یه لێ كاردكه‌م و نوكه پێشكێشكارا به‌رنامێ گه‌شتا زینێ مه و حه‌فتیێ جاره‌كێ ل رۆژێن شه‌مبی دهێته په‌خشكرن، به‌لێ پشتی ل شاشه‌یا دهۆك تیڤی ده‌ركه‌فتیم گه‌له‌ك كومپانیان داخاز ژ من كرینه ل گه‌ل وان كاربكه‌م، به‌لێ دبێژم مرۆڤ دێ ل وی جهی كاركه‌ت یێ ل وێرێ سه‌نگا خوه هه‌بیت، و من ل به‌ر نینه ریكلامان چێكه‌م یان سترانان بێژم، چونكو ئه‌و نه كارێ منه و كارێ من پێشكێشكاریه و خوه ب كار و به‌رنامێ خوه خوه مه‌زن دكه‌م و شانازیی َپێ دبه‌م، چونكو ده‌مه‌كی َكورت دا خه‌لكی حه‌زژێكر و پێڤه هاتنه گرێدان و چونكو د به‌رنامه‌ی دا تامه‌ك یاتێدا و ژمێژه‌یه خه‌لكی نه‌دیتی.
زینێ گۆت : هه‌ركاره‌كێ مرۆڤ بكه‌ت بهایه‌ك به‌رامبه‌ر یێ هه‌ی، به‌لێ هیڤێن مرۆڤی ژ هه‌موو تشتان مه‌زنترن و ده‌مێ ژ زارۆكینیێ مرۆڤی هنده‌ك هیڤی هه‌بن و بگه‌هیته وان هیڤیا و مفایه‌ك ژی ب گه‌هینته خه‌لكی ئه‌ڤه بۆ مرۆڤی ژ هه‌موو تشتی مه‌زنتره و هه‌كه به‌رنیاس بوون بۆ من نه‌یا گرنگ و ده‌ستپێكا من ل گه‌ل ڤی كاری هه‌ر ل سه‌ر شاشێ بوو، جارا ئێكێ بۆ من گه‌له‌ك یا ب زه‌جمه‌ت و دناڤ دیوانه‌كا زه‌لامان دابووم و یا ب زه‌حمه‌ت بوو به‌رامبه‌ری كامیرێ باخڤم، به‌لێ پشتی ده‌مه‌كی بوو تشته‌كێ سروشتی.
