زێده‌بوونا كچان د ئۆنلاینێ دا ب كاره‌كێ باش دبینیت
عه‌لی حاجی:
زه‌یتون لوقمان، ئێك ژ وان كچایه كو ب رێیا ئونلاین كار دكه‌ت، د دیداره‌كێ دا بۆ رۆژناما ئه‌ڤرۆ دیاركر كو گه‌له‌ك جاران ده‌لیڤێن كارێ ژده‌رڤه بۆ وان هاتیه، به‌لێ ژبه‌ر دیتنا جڤاكی ده‌ست ژێ به‌ردایه و ئۆنلاین جهه‌كێ گونجایه بۆ كچێ كو بشێت ب ئازادی كار بكه‌ت و پێدڤیه یه زێده‌تر باوه‌ری ب كچێ بهێته دان.
زێده‌تر گۆت: بۆ ده‌مێ پتر ژ ساله‌كێ یه من ده‌ست ب كارێ ئۆنلاین كریه ژ فرۆتنا جل و به‌رگ و دیاریان به‌لێ پشته‌ڤانیا باش ل من دهێته كرن ژلایێ مالا من ڤه ژبه‌ر وێ چه‌ندێ خوه ب سه‌ركه‌ڤتی دبینم و زێده‌بوونا كچان د ئۆنلاینێ دا ب كاره‌كێ باش دبینم ژبه‌ركو كچ بازارێن ئۆنلاینێ بۆ خوه ب گونجای دبینین، به‌لێ وێ چه‌ندێ ژی ژبیر نه‌كه‌ین گه‌له‌ك كه‌سان بازارێ ئۆنلاین ب خرابی ب كار ئینایه ژبه‌ركو گه‌له‌ك جاران كه‌سه‌ك دێ تشته‌كێ داخواز كه‌ت هه‌تا دگه‌هیته ده‌ستێ وی كه‌سی ئه‌و تشته وه‌سا نینه كو ئه‌وا د ئۆنلاین دا دیتی له‌ورا دبینم باوه‌ری گه‌له‌كا گرنگه و پێدڤیه كچ زێره‌كی و وێره‌كیێ بده‌ته خوه ژبه‌ركو ئه‌و چه‌نده دێ بیته ئه‌گه‌رێ سه‌ركه‌قتنا وێ و گه‌له‌ك جاران كچ یان ژن دبێژنه مه ئه‌م ل گه‌ل هه‌وه د ئارامین ژبه‌ركو ئه‌و تشتێ مه دڤێت ئه‌م نه‌شێن ژ دوكانداران داخواز بكه‌ین.
