زێده‌گاڤى ل زاخۆ كێم بووينه
ئەڤرۆ نیوز، عەلی حاجی:
د داخویانیەکێ دا برێکارێ سەروکێ باژێرڤانیا زاخۆ ئەندازیار دیندار سالم بۆ ئەڤرۆ نیوز دیار کر رێژەیا زێدەگاڤیان ل زاخۆ 95% کێم بوویە و لژنێن زێدەگاڤیان سەر ب باژێرڤانیا زاخۆ ڤە بەردەوام چاڤدێریا زێدەگاڤیان ل زاخۆ دکەن.
ئەندازیار دیندار سالم گۆت: ژ سالا 1993 ھەتا 2003 رێژەیەکا زۆر یا زێدەگاڤیان ل زاخۆ ھاتبوونە ئەنجامدان و ھەتا نوکە رێژەیەکا زۆر یا وان زێدەگاڤیان ھاتینە چارەسەر کرن ، ل سنورێ سەرۆکاتیا باژێرڤانیا زاخۆ نێزیکی حەفت ھزار خانیان ب زێدەگاڤی ھاتینە ئاڤا کرن و ب تنێ ھزار و 500 خانیان مافێ تاپۆکرنێ ھەیە ژ بەر کو ناکەڤنە د ئەردێ کەسکاتیێ دا ل دووڤ ماستەر پلانا باژێرێ زاخۆ و نێزیکی دو ھزار خانیان ناھێنە تاپۆکرن ژ بەر کو چو بەلگەنامەێن فەرمی یان ژی داخوازی ب وان زێدەگاڤیان نینە و پشکەکا مای ژی یا وان خانیان دکەڤیتە د ناڤ خزمەتگوزاریان دا.
ناڤھاتی ئەو ژی گۆت: گەلەک کەسێن خودان دەستھەلات و ب ناڤودەنگ ل ڤی باژێری دا ددەمێ خرابکرنا ئەردێ نوکە یێ پارکا شەھیدان ھاتیە ئاڤاکرن ھەولددان دەستێ خوە ب داننە سەر و بکەنە جھەکێ بازرگانی بەلێ سەرۆکێ باژێرڤانیا زاخۆ یێ رژد بوو ل سەر ئاڤاکرنا پارکا شەھیدان و د نوکە دا وێ پارکێ جوانیەکا دیتر دایە باژێرێ زاخۆ .
