زێدەتری 150 مامۆستایێن وەرزشی دێ پشكداری د خولێن دادڤانی و راهێنانێ دا كەن
د داخویانیەكێ دا رێڤەبەرێ چالاكیێن وەرزشی و دیدەڤانی ل پەروەردەیا گشتی یا پارێزگەها دهۆكێ دیار كر ئەڤرۆ دێ خولێن راهێنانێ یێن یاریێن فوتسالێ، باسكێت بۆل و یاریێن مەیدانێ بۆ زێدەتری 150 مامۆستایێن وەرزشی ل سنۆرێ سێ پەروەردەیێن قەزایێن سەر ب پەروەردەیا گشتی هێنە رێكخستن.
زێدەتر ئێحسان حەسەن گۆت: ل دووڤ بەرنامەیێ سالانە و ب سەرپەرشتییا رێڤەبەرییا گشتی یا پەروەردەیا پارێزگەها دهۆكێ خولێن راهێنانێ و دادڤانیێ بۆ زێدەتر 150 مامۆستانیێن وەرزشی یێن سنۆرێ پێنچ پەروەردەیێن قەزایان كو دێ گرێدایی ب یاریێن فوتسالێ، باسكێت بۆل و یاریێن مەیدانێ ل دووڤ خشتەكێ رێكخستی بۆ هەر حەفتییەكێ دێ چار رۆژان ب شێوەیێ تیۆری و پراكتیكی ژلایێ شارەزا و مامۆستایێن وەرزشی یێن زانكۆیێ هێنە شرۆڤەكرن.
هەروەسان ناڤهاتی گۆت: ئەڤرۆ دێ خولا راهێنانێ یا یاریێن دیاركری بۆ هەر سێ پەروەردەیێن دهۆك رۆژهەلات و رۆژ ئاڤا و ئاكرێ ل هۆلا چالاكیێن وەرزشی، هۆلا قوتابخانەیا بژارە و یاریگەها ئاكرێ هێنە ئەنجامدان، دیسان بڕیارە ل حەفتییا بهێت بۆ مامۆستایێن وەرزشی یێن هەردو پەروەردەیێن سێمێل و شنگالێ هێتە رێكخستن، دووڤدا بۆ قۆناغا دویێ ئەو پەروەردەیێن مایی ژی ل دووڤ بەرنامەیێ مە دێ خول بۆ هێنە رێكخستن.
ل دووماهیێ ئێحسان حەسەن گۆت: ئەڤ خولە ب مەرەما بهێزكرنا شیانێن مامۆستایێن وەرزشی نە ژ هەمی لایەكی ڤە و وەرگرتنا دووماهی پێشهاتەیێن یاسایی یێن یاریێن ناڤهاتی و زانینا رێكێن فێركرنێ و گەهاندنا ئەكادیمی بۆ قوتابیان.
بۆ زانین نەهـ پەروەردەیێن قەزایان ل سنۆرێ پەروەردەیا گشتی یا پارێزگەها دهۆكێ هەنە، ل سالا بۆری ژی رێڤەبەرییا چالاكیێن وەرزشی و دیدەڤانی نەهـ خولێن جودا بۆ زێدەتری 150 مامۆستایێن وەرزشی یێن نەهـ پەروەردەیێن قەزایان رێكئێخست بوون.
