زێره‌ڤانى به‌روه‌خت هاته سه‌رێ لیستا خولێ
ئه‌ڤرۆ نیوز، زنار زوبێر:
د چارچوڤێ یاریێن گه‌را هه‌ژدێ یا خولا هه‌رێما كوردستانێ یا ته‌پا پێ بۆ یانێن پلا نایاب تیما ته‌پا پێ یا زێره‌ڤانى شیا سه‌ركه‌فتنه‌كا گرنگ ل سه‌ر یانا پێشمه‌رگا سلێمانیێ تومار بكه‌ت ب سێ گۆلان به‌رامبه‌ر گۆله‌كێ د وێ یاریێ دا ئه‌وا ل یاریگه‌ها زێره‌ڤانى هاتیه كرن.
د نیڤا ئێكێ دا ئاستێ یاریكه‌رێن زێره‌ڤانى باش نه هاته دیتن زێده‌تر یارى ل نیڤا یاریگه‌هێ د هاته كرن پشتى چه‌ندین بزاڤان د هێرشه‌كا هه‌ڤدژ دا يانا پێشمه‌رگا سلێمانێى برێكا یاریكه‌رێ خوه ئاكو نورى شیا گۆلا ئێكێ بۆ یانا خوه پێشمه‌رگه ل ده‌قیقه‌یا 43 ژ یاریێ توماركر، پشتى ڤێ گۆلێ یارى وه‌ك خوه ما هه‌تا نیڤا ئێكێ ب پێشكه‌فتنا پێشمه‌رگا سلێمانیێ ب دووماهى هات ب گۆلا ئێكانه د به‌رژه‌وه‌ندیا پێشمه‌رگا سلێمانیێ.
د نیڤا دویێ ئه‌وا ب نیڤا راهێنه‌ران د هێته نیاسین راهێنه‌رێ زێره‌ڤانى سلێمان ره‌مه‌زان یێ سه‌ركه‌فتى بوو د پلان و گۆهورینا شێوازێ یاریا تیما خوه و هه‌ر ل ده‌سپێكێ شیان دۆ گۆلان توماربكه‌ن ب رێكا یاریكه‌رێن خوه فه‌رهاد سه‌دیق و ئه‌یوب ئه‌یاد ل ده‌قیقه‌یێن 48، 50 دووڤ دا یاریكه‌رێن زێره‌ڤانى شیان كونترولا یاریێ بكه‌ن و چه‌ندین ده‌لیڤه‌یێن مسوگه‌ر ژ ده‌ست بده‌ن هه‌تا ده‌قیقه‌یا 85 ژ یاریێ هونه‌ر ئه‌حمه‌د ب شیانێن خوه یێن تایبه‌ت شیا گۆلا سیێ و پشتراستبوونێ بۆ تیما خوه تومار بكه‌ت، پشتى ڤێ گۆلێ چو ژ ئه‌نجامێ یاریێ نه هاته گۆهۆرین هه‌تا فيركا دادڤانێ یاریێ ب دووماهى ئینانا یاریێ ب سه‌ركه‌فتنا زێره‌ڤانى ل سه‌ر پێشمه‌رگه یا سلێمانیێ ب سێ گۆلان به‌رامبه‌ر گۆله‌كێ.
پشتى ڤێ سه‌ركه‌فتنێ زێره‌ڤانى شیا هژمارا خالێن خوه بكه‌ته 32 خال و ب شێوه‌كێ به‌روه‌خت پێشڤه هاته رێزا ئێكێ یا رێزبه‌ندا خولێ.
