زێره‌ڤانى ب دياريا زاخۆ رازى نه‌بوو و دهۆك ما ل سه‌ر ليستا خولێ
ئه‌ڤرۆ نيوز:
ئه‌ڤرۆ رۆژا ئه‌ينى رێكه‌فتى 17ى نيسانا 2015ێ دو ياريێن ماين ژ گه‌را هه‌شتێ يا قووناغا دويێ ژ خولا نايابا كوردستانێ هاتنه كرن.
ل ياريگه‌ها خوه زاخۆ دياريه‌كا باش پێشكێشى يانا دهۆك كر پشتى سه‌ركه‌فتن ل سه‌ر هه‌ڤركا ناسناڤێ خولێ نه‌ورۆز تۆمار كرى ب دو گۆلان بێ به‌رامبه‌ر، به‌لێ يانا زێره‌ڤانى نه‌شيا مفايى ژ ڤێ خوساره‌تيا نه‌ورۆز و وه‌كهه‌ڤيا دهۆك ببينيت و ل گه‌ل تيما خودانا رێزا به‌رى دووماهيێ وه‌كهه‌ڤ بوو ب گۆله‌كێ.
دوهى رۆژا پێنجشه‌مبى رێكه‌فتى 16ى نيسانا 2015ێ يانا دهۆك سه‌ركێشا خولێ نه‌شيا مفايى ژ ياريگه‌ها خوه ببينيت و ل ياريگه‌ها خوه ل هه‌مبه‌ر ئارارات وه‌كهه‌ڤبوو ب دو گۆلان.
هه‌ر د ياريێن دوهى دا، سلێمانى تووشى خوساره‌تيێ بوو ل گه‌ل پێشمه‌رگا سلێمانيێ ب گۆله‌كا ئێكانه و هندرين ژى سه‌ركه‌فتن ل سه‌ر پێشمه‌رگا هه‌ولێر تۆمار كر ب دو گۆلێن پاقژ هه‌ولێر ژى ل گه‌ل شێروانه وه‌كهه‌ڤ بوو.
نوكه يانا دهۆك ل رێزا ئێكێ دهێت ب 37 خالان و هه‌ردو يانێن زێره‌ڤانى و نه‌ورۆز ب 36 خالان ل رێزا دويێ دهێن و زاخۆ ژى ب 29 خالان ل رێزا چارێ دهێت.
