زەلامێن بەتال زووتر د مرن

ئه‌ڤرۆ نيوز:

ئەو کەسێن بێ کار زووتر گیانێ خۆ ژدەست ددەن، ب تایبەت زەلامێن ژ پێنجی سالیێ کێمتر، ئەڤەژی ل دووڤ ڤەکولینەکا پزیشکی ھاتیە تەکەز کرن، ڤەکولەرا کو ب ڤی کاری رابووی بناڤێ ( ئران شۆر) ل زانکویا ماکغیل ل مونتریال دیارکر کو وان ب ھەڤکاری ل گەل ڤەکولەرێن زانکویا ستونی برۆک ل نیویورک ئەنجام دایە و تێدا 20 ملیون کەس ل 15 وەلاتان پشکداربوون د ماوێ چل سالاندا و وان ڤەکولینان دیارکریە کو کەسێن بێ کار ب رێژا 63% پتر ژ کەسێن دیتر گیانێ خۆ ژدەست ددەن.
ھەروەسان ڤەکولینان دیارکریە کو ژنێن بێکار ژی ب رێژا 37% گیانێ خۆ د ژیەکێ زوو دا ژدەست ددەن و ب تایبەت بەری ژیێ وان بگەھیتە 50 سالیێ.
ھەر وێ ڤەکولەرێ دیارکر کو بەتالی دبیتە ئەگەرێ وەستیانا دەروونی و شوونوارێن وێ بەروڤاژی رەنگڤەدانێ ل سەر کاودانێن ئابوری و جڤاکی ھەنە و ئەو دبیتە ئەگەر کو رەوشا وان یا ساخلەمیێ ئالوز ببیت و زووتر گیانێ خۆ ژدەست بدەن.

کۆمێنتا تە