زەلام خوە ل بەر ڤان ساخلەتێن مێیانە ناگرن
ئه‌ڤرۆ نيوز:
دوەماھیێ زانست شیا ئەگەرێن بالکێشیا ژنێ بۆ زەلامی دیار بکەت، سەرەرای وێ چەندێ کو ژ ھەموویان جوانتر نینە یێن ئەو ھەڤناسینێ د گەل دکەن. ئەو ئەگەر ژی ل دووڤ ڤەکۆلینەکا سایتێ Business Insider بەلاڤ کری، ھندەک ساخلەتێن دیارن ل نک ژنێ ھەین، ئەو ساخلەت ژی ھەموو ل دۆر تیورەکی ب تنێ دزڤرن: ساخلەمیا باش و بەرھەڤیا زارۆبوونێ، دبیت زەلام د ھشێ خوە دا ھەست پێ نەکەت، لێ نەھشیا وی گرێدای ڤان ساخلەتانە یێن ژنا بەرھەڤ بۆ زارۆبوونێ:
- لەشەکێ وەکو سەعەتا خیزی: ئانکو ناڤتەنکا زراڤ ز رانێن ستوور، ئاماژێ ددەنە نەھشیا زەلامی کو ئەو دشێن زارۆیان بینن، زێدەباری وێ چەندێ، پاشییا تژی یا ژنێ سەرنجا وی رادکێشیت، نموونە ژی کیم کاردشیان و جێنەر خودانێن پاشیێن تژی، ژ ھەمی ژنان پتر جەماوەرێ ل جیھانێ ھەی.
- دەنگێ تونا وی بلند: ژبەرکو تونا بلندا دەنگی دەربرینێ ژ گەنجاتی و جوانی و ژیراتیێ دکەت، نوکە ئەم دشێن وی تیوری ل دیواری بدەین یا دبێژیت مێیاتی یا د دەنگێ نەرم و نزم دا. ما ئەم نابینین ژنێن ئیتالی و ئەمریکا لاتینی چەند بالکێشن دەمێ دئاخڤن؟ راستە دڤێت تونا دەنگی یا ب باوەری و حڕحڕا نەخۆش ژ ئێک جودا بکەین.
- گرنژین و کەنی: ژنێن کەیفخۆش ژ ژنێن دی سەرنجراکێشترن، بەلێ زانستی ل ڤێ دووماھیێ ئاشکرا کریە؛ گرنژینا جوان د گەل ددانێن سپی، چەکەکێ میێ یە زەلام نەشێن خوە ل بەر بگرن.
- پرچا ساخلەم: پرشا جوان و پاقژ و بۆر و درێژ، نیشانا بەرھەڤیێ نە د چاڤێن زەلامی دا، تو دشیێ سەرنجا وی راکێشی و ب تنێ جارەکی بچیە سالۆنێ ھەکە پێدڤی بوو.
- میکیاژەکێ کێمتر: ھێتا زەلام تێناگەھن بۆچی ژن وی قەبارێ ھندێ مەزن یێ میکیاژی ددانن، ئەو ترانان ناکەن دەمێ دبێژن ئەم حەز دکەین ژنان بێ میکیاژ ببینین، ھزر نەکە دەمێ تو خوە ب میکیاژی لەبخ دکەی دێ د چاڤێن زەلامی دا بالکێش بی.
ل بەرکرنا جلکێن سۆر: ژبەر ڤێ چەندێ رەنگێ سۆر یێ ئەڤینیێ و سەرنجراکێشیێ ڤە گرێدای.. زانستی بنەجە کریە ئەو رەنگ سەرنجا زەلامی رادکێشیت، کراسێ خوە یێ سۆر دەربێخە و بکە بەرخوە، بەری بجیە دیدارا وی.
