زەلام پتر درەوان د پەیوەندیێن دلداری دا دکەن
ئه‌ڤرۆ نيوز:
ژبلی وێ یان ل دۆر پەیوەندیێن خوە یێن سیکسی یێن کەڤن دبێژن چو کارتێکرن ل وان نەبوویە، ژبەرکو ھندەک جاران ھەست ب مەزنیێ دکەن، سەرەرای کو سیکس د گەلەک جڤاکان دا قەدەغەیە، بەلێ دەم ھاتیە گوھۆرین و سیکس بوویە بابەتێ گرەمێ ھەڤژینان، ل گۆرەی ڤەکۆلینەکا زانستی زەلام شانازیێ ب قارەمانیێن خوەیێن سیکسی دبەن و ھندەک جاران زێدەھیان ژی ب سەرڤە دکەن.
ڤەکۆلین:
تیمەکێ ڤەکۆلەرێن زانکۆیا گلاسکۆ ڤەکۆلینەک د ناڤ وان ژن و زەلامان دا کر یێن پەیوەندیێ، کەڤن ھەین و ئەنجامێن حێبەتی ژێ دەرکەفتن.
تیمێ ڤەکۆلەران داتایێن 15 ھزار کەسان دەرخستن یێن بەری نھا ل بریتانیا ھەلوەستێن وان یێن سیکسی و شێوازێ ژیانا وان ھاتیە وەرگرتن، پشتی شرۆڤەکرنێ وەسا ئاشکرا بوو کو ژنان ب تێکرایی 7 ھەڤال ھەبووینە و زەلامان 14 ھەڤال.
بۆچی جوداھیەکا مەزن د ھژمارا ھەڤالان دا ھەبوو؟
پشتی ڤەکۆلەران ئەو جوداھیا مەزن دیتی د ڤەکۆلینا خوە دا ل ئەگەران گەریان، د ئەنجامێن لێگەریانا وان وەسا ئاشکرا بوو کو زەلام پتر درەوان د پەیوەندیێن خوەدا دکەن و حەز دکەن ھندەک قارەمانیێن زێدەتر ل سەر قارەمانیێن خوە زێدە بکەن.
ھندەک ئەگەرێن دی:
ژنان داتایێن بنەجە و راست پێشکێش کربوون، لێ زەلامان ھندەک پێزانیێن شاش دا بوون، سەرەرای وێ یەکێ ژن کێمتر حەز ژ پەیوەندیێن سەرپێ دکەن.
ل گۆرەی گۆتنا شارەزا و ڤەکۆلەران، زەلام حەز دکەن گۆتنێن زێدە ل سەر قارەمانیێن خوەیێن سیکسی زێدە دکەن و شانازیێ پێ دبەن، وەسا ھزر ژی دکەن ھندی ھەڤالێن وان زێدە بن ھێزا وان ژی زێدە دبیت، ژبەرکو ھەموو دەمان زەلام شانازیێ ب قارەمانیێن سیکسی دبەن.
