زەلام چاوا سەرەدەریێ بکەت ل دەمێ ژن دکەڤیتە د عادەیا ھەیڤانە دا؟
ئه‌ڤرۆ نيوز:
ل عادەیا ھەیڤانەیا ئافرەتێ دا گوھرینێن لەشی و دەروونی ل سەر ئافرەتێ دا دھێن و زور جارا کاریگەریا ھورموناتا ل سەر لەش و پیست و سەروچاڤێن وێ دروست دبیت کو ھند جارا دبیتە ئەگەر ژن بکەڤیتە بن فشارێن دەرونی دڤێ فەترێ دا،نوشدارەکێ دەرونی ژی دبێژیت دڤێت زەلام وەکو ھەڤال ھاروکاربیت بیت ببیتە ئەگەرەک بارێ وێ یێ دەرونی سڤک بکەت و خوە دویر بکەت ژ رەخنەگرتنێ و رێزێ لێ بگریت.
نوشدارێ دەروونی سیروان ئازاد ددەتە دیارکرن کو ل دەمێ دەورا ھەیڤانەدا ئەو گوھرێنێن فسیولوجی ل نک ئافرەتێ پەیدادبن،کاریگەریا گوھرینا ھورمونا دلەشێ وێدا وەھا دکەت کو کاریگەری ھەبیت ل سەر لایەنێ دەرونی،ژبەرھندێ ل ڤی دەمی دا دڤێت زەلام زێدەتر ھوشیاربن ل سەردەریکرنێ دگەل خێزانا خودا و پێگیریێ ب ھندەک خالێن گرنگ بکەت داکو بارێ وێ یێ دەرونی گرنتر لێ نەھێت.
ناڤبری وەکو شیرەتەک ئاماژە دا وێ چەندێ کو دڤێت رێزێ ل بارێ دەرونیێ ئافرەتێ بگریت،چونکی ئافرەت ل دەمێ دەورا ھەیڤانەدا گوھرینێت مەزن ب سەردا دھێن ژ لایێ دەرونی ڤە،ئەڤە ژی زور جارا گریا نەچاڤەرێکری و ھەستکرن ب دوودلیێ و ھەلچونێ و تورەبونێ پەیدا دکەن،لەوما ل ڤی دەمی دا لێرە نابیت شاشیا وەسا بەرامبەر ھەڤژینا خوە بکەت کو کاریگەریا زێدەتر ھەبیت بۆ سەر دەرونێ وێ،بەلکو زێدەتر پێدڤی نەرمی و ڤیانێ و ھێمنیێ و خوراگرتن ل تورەبونێ ھەیە،ژبەر ھندێ پێدڤی یە زێدەتر بارەکێ ئارامتر بۆ دابین بکەت و ھاروکاربیت.
نوشداری ئەو چەندە ژی گۆت دڤێت زەلام خودیربکەت ل رەخنەگرتنێ ل ئافرەتێ ل ڤێ فەترێ دا ،ژبەرکو ئەڤ گوھرینێن ل سەر لایەنێ فسیولوجی و ھورمونا دھێن و زور جار کاریگەریا ھورمونا دروست دبیت ل سەر لەش و سەروچاڤ و پیستێ وێ نە ب دەستێ وێ یە ، ئەڤەژی وەھا دکەت کو ئافرەت زێدەتر ھەستیارتر بیت،ژبەر ھندێ پێدڤیە زەلام چ جارا ھەول نەدەت رەخنێ بگریت ل کارێن وێ،بەلکو زێدەتر پشتەڤان بیت بۆ ھندێ داکو فشارێ ل سەر دەرونێ وێ کێمتر لێ بھێن و ل دەمێ رویدانا ھەر شاشیەکێ یان ھەلچوونەکێ یان تورەبوونەکێ پێدڤیە ب دل فرەھی پێشوازیێ لێ بکەی و خوە ژێ دورکەی ل رەخنەگرتنێ.