زەلام ژی جوانكاریێن دێمی ئەنجام ددەن
تایبەتمەندەكا نەخۆشیێن پیستی و جوانكاریێ ل دهۆكێ دیاركر كو ئیك ژ ئاریشێن بەربەلاڤ دناڤ خەلكێ مە دا نوكە زێدەبوونا قورمچینا دێم و سەروچاڤێن خەلكی یە.
د. سنور سوبحی ئاكرەی، تایبەتمەندا نەخۆشیێن پیستی و جوانكاریێ ل دهۆكێ دیاركر كو نشتەگەریێن جوانكاریێ ل دهۆكێ بەلاڤ بووینە و یێ زێدە ژی دبن و پتریا نشتەگەریان ژی بۆ سەروچاڤان دهێنە ئەنجامدان ژلایێ وەلاتیان ڤە، نوكە زەلام ژی جوانكاریێن سەروچاڤا ئەنجام دەن و قەستا مە دكەن بۆ جوانكرنا دێم و سەروچاڤیێن خوە پتر ژی یێن زێدەبوونا قورمچینێ ئەڤە بوویە ئاریشەكا مەزن نوكە پتریا حالەتێن نشتەگەریان یێن قورمچینا دێمێن مرۆڤی نە و گۆت: راستی حالەتێن قورمچینێ گەلەك یێ زێدەبن ئەم بۆ وان چارەسەر دكەین و كچ و ژن ژی پتر جوانكاریێن لێڤا ئەنجام ددەن ئەڤە گەلەك بەربەلاڤن دناڤ خەلكێ مە دا و خەلكەك حەز دكەت لێڤێن خوە چێكەت.
ئاشكەرا كركو قورمچین ژبەر زێدەبوونا ژیێ مرۆڤی دروست دبن و هندەك حالەت ژی هەنە پەەیوەندی ب مەزنبوونا ژیێ مرۆڤێ ڤە نینە، بەلكو پەیوەندی ب پیستی ڤە هەیە ئەوژی وەستیانا پیستی یە كو دبیتە ئەگەر سەروچاڤیێن مرۆڤی ب قورمچن و كولاجین كێم دبیت، بەلێ قورمچین ب گشتی ب ژیێ مرۆڤێ ڤە دگرێداینە ئەم ب رێیا دەرمانێ بوتوكس چارەسەر دكەین كو رێكەكا تایبەتە و ئەو قورمچین بەرزە دبن، بەلێ نە بوو هەتا هەتایێ، بەلكو ب تنێ بۆ دەمێ شەش هەیڤان قورمچین بەرزە دبن و پشتی هینگی دیاردبنە ڤە پێدڤیە ئەو كەس جارەكا دی چێكەت .
د.سنور ئاكرەی دبێژیت: ئاموژگاریێن مە ب گشتی بۆ وەلاتیان ئەون كو چو جۆرە دەرمانەكێ جوانكاریێ بكارنەئینن بێ بزانن ئەو جۆری دەرمانێ چیە ، چونكو حالەت دهێنە دەڤ مە بۆ وان ئاریشە یێن ژ كەرەستێن جوانكاریێ دروست بووین كو پیستی وان تیكچوویە ژبەر ب كارئینانا هندەك دەرمانان دوور ژ مەرج و رینمایێن نوشداران.
